Interes për pensionet private, skema shtetërore thellon deficitin

29 Maj 2022, 20:48, Ekonomi CNA
Interes për pensionet private, skema shtetërore thellon deficitin
Foto ilustruese

Qytetarët kanë rritur interesin për të investuar në skemat e pensioneve private.

Në fund të marsit numri i personave që kanë paguar për të marrë një pension nga fondet vullnetare arriti në 34.555, duke u rritur me 2875 individë krahasuar me 1 vit më parë.

Vlera e parave të investuara në këto fonde kapi shifrën 40 milionë euro, duke shënuar një rritje vjetore 6%.

Interesi më i madh për të marrë një pension nga kompanitë private është për gjininë femërore me 17.877 pjesëmarrëse kundrejt 17.375 meshkuj.

Por, ndërkohë që qytetarët u janë drejtuar fondeve vullnetare, skema e pensioneve në shtet ka thelluar deficitin.

Në fund të prillit pagesat e shtetit për pensionet ishin 391 milionë euro, ndërsa të ardhurat nga kontributet e sigurimeve shoqërore ishin 286 milionë, 104 milionë euro më pak./euronews

Lajmet e fundit nga