web counter
LEXO PA REKLAMA!

SHKARKO APP

App Store
Google Play

E fundit!

x

Civici: Ndryshimi i shpeshtë i sistemit fiskal ndikon negativisht te biznesi

26 Maj 2022, 19:35, Ekonomi CNA

Civici: Ndryshimi i shpeshtë i sistemit fiskal ndikon negativisht te

Eksperti i ekonomisë dhe financave, Ardian Civici, ka analizuar situatën ekonomike në vend, por edhe ndryshimin e sistemit fiskal.

Civici tha se ndryshimi i shpeshtë fiskal ndikon negativisht te biznesi.

“Shqipëria bën pjesë në grupin e vendeve me një sistem fiskal jo stabël, hyjmë dhe në grupin e vendeve që ka dhe ndryshime të shpeshta të sistemit fiskal, kjo tregon një lloj pasigurie, nga ana tjetër ka dhe një efekt negativ te taksapaguesit, sepse gjithkush bën parashikime 1,2,3-vjeçare me të ardhurat që ka dhe taskat që duhet të paguajë. Ndryshimi i shpeshtë i sistemit fiskal ndikon negativisht në ecurinë e biznesit”.

Ndërkohë, sa i përket rritjes së çmimeve, ai tha se në rast të rritjes së mëtejshme Shqipëria duhet t’u rikthehet paketave mbështetëse njësoj siç bëmë gjatë pandemisë.

“Ky është një fenomen që po ndodh në të gjitha vendet e botës, përderisa shumica e taksave bazohen në përqindje në raport me çmimet dhe kur rriten çmimet edhe të ardhurat janë gjithmonë më të larta. Një pjesë e caktuar vendesh po mendojnë të sugjerojnë masat që disa lloj taksash të jenë fikse.

Natyrisht që rritja e çmimeve që është rritje globale goditjen kryesore e ka tek ulja e fuqisë blerëse, individët dhe familjet rikonstrukturojnë konsumin dhe njëkohësisht një pjesë e bizneseve janë të detyruar të rishikojnë kostot. Rritja e çmimeve për një vend si ne apo për një sektor si bulmeti, përgjithësisht sektorët që bazohen tek importi po e vuajnë më shumë, sepse janë të detyruar të blejnë me çmime të larta”, tha Civici.

 





Lajmet e fundit nga