web counter
LEXO PA REKLAMA!

SHKARKO APP

App Store
Google Play

Një leksion politik nga Argita Malltezi - Berisha

31 Tetor 2023, 15:56, Editorial REDAKSIONALE
Një leksion politik nga Argita Malltezi - Berisha
Argita Malltezi Berisha, vajza e ish-kryeministrit Sali Berisha

Në studion e Grida Dumës, në televizion e ortakëve të inceneratorëve dje u shfaq vajza e ish-kryeministrit Sali Berisha.

Argita Malltezi - Berisha bëri një nga daljet e saj të rralla mediatike pas shumë vitesh, dalje e cila erdhi pas arrestimit të bashkëshortit të saj, Jamarbër Malltezi.

Argita dhe Malltezi janë prindër të 4 fëmijëve, të 3 vajzave dhe një djali.

Ajo është juriste në një studio ligjore, ndërsa Jamarbër Malltezi është profesor në Shkencat e Mjedisit.

Disa ditë më parë bashkëshorti i Argitës u arrestua me pretendimin se në bashkëpunim me vjehrrin e tij, ish-kryeministrin Berisha, kishte zhvilluar prona dhe kishte përfituar miliona euro.

Në fakt, akuza e madhe e këtij korrupsioni është më e thjeshtë, nuk ka asnjë lek, asnjë qindarkë nga ato që janë vënë në dispozicion nga SPAK-u deri më tani që të tregojnë se Jamarbër Malltezi të ketë përfituar nga paratë e shtetit.

I gjithë debati është fakti a duhet apo s’duhet t’u ktheheshin pronarëve ambientet e ish-klubit “Partizani”?

Ky është debati dhe pretendohet se me disa ndryshime ligjore Berisha ia ka lehtësuar dhëndrit të tij për më tepër futjen e letrave në vlerë dhe të tjera si këto.

Pra, në themel të gjithçkaje sa kemi pasur ne informacion, asgjëkundi, në asnjë pikë, nuk del që Jamarbër Malltezi të ketë fituar para nga taksat e shqiptarëve, nga të ardhurat që duhet të administrohen prej tyre.

Një leksion politik nga Argita Malltezi - Berisha
Jamarbër Malltezi, drejtues i Departamentit të Mjedisit në PD

I gjithë debati është duhej apo s’duhej ta merrte pronën Malltezi dhe bashkëpronarët e tjerë, ku pretendohet se janë rreth 64 familje.

Dje në daljen e saj televizive, Argita Malltezi Berisha dha një leksion publik, një leksion të madh politik.

Mjafton të shohësh rrjetet sociale dhe shumë njerëz opozitarë që mbajnë një qëndrim neutral me çështjet politike, por qëndrojnë oponentë ndaj qeverisë, shkruanin statuse, artikulonin dhe raportonin me mjaft respekt për shkak të qëndrimeve të mbajtura nga zonja Malltezi, e cila me qetësi dhe argumente, me fakte konkrete dhe me artikulim të qartë dhe e vendosur tregonte se gjithçka kishte ndodhur ishte një sulm politik dhe pretendonte se drejtësia ishte e keqpërdorur.

Këto janë argumentet e saj, por mënyra se si Argita Malltezi, qëndroi publikisht i dha shumë pikë në opinionin publik dhe për të dytën apo të tretë herë nga daljet e saj është kërkuar nga opinioni publik apo nga njerëzit që ajo të jetë pjesë e jetës politike, aq sa dhe vetë Grida Duma në emision nuk i rezistoi dot në dy raste duke e pyetur a do të angazhohet në jetën politike.

Duket si një politikane e stazhonuar, një politikane mjaft e kthjellët, brilante në artikulim, goditëse dhe me qetësinë e forcën e argumentit impononte atë që duhet të bëjë një politikan në daljet e tij në ekran dhe në komunikimin me publikun.

Argita Malltezi, përtej ngjyrave politike dhe bindjeve, qytetarëve u dha argumentet e saj, por edhe u tregoi se një zonjë mundet të përballet, të luftojë apo edhe të fitojë besimin e opinionit, besimin e qytetarëve, besimin e shumicës së shqiptarëve me dalje të qeta, pa tallje, pa bërtitje, pa kakofoni, duke treguar se e vërteta nuk është ajo që bluajnë mediat, por ka një të vërtetë që duhet ta dinë dhe ta dëgjojnë të gjithë, pastaj se çfarë besojnë është diçka tjetër.

Argita Malltezi edhe njëherë na tregoi imazhin e një politikaneje të spikatur, tregoi imazhin e një politikaneje që e di se çfarë është sulmi, çfarë është tërheqja, si funksionojnë intrigat e prapaskenat e politikës, deri te goditjet me thika pas shpine apo te vetëvrasjet politike.

Malltezi mohoi të kishte rekomanduar Lulzim Bashën, por pranoi se e kishte dërguar ajo te Berisha pas kërkesës së vetë Lulit.

Nga ana tjetër, nuk mohoi të vërtetat e mëdha, skandalet dhe problematikat e qeverisjes së Berishës, ku dy bombat ishin Gërdeci dhe 21 Janari. Artikuloi qartë mendimet sa politike dhe aktuale, të cilat të linin të kuptoje se ajo përtypte informacion politik, e njihte atë dhe dinte se ku duhet të qëndronte.

Ndoshta me një dell politik të lindur, Argita Malltezi dje dha një leksion të qartë publik. Edhe pse e mohoi që të ishte pjesë e politikës, në rrjet u kërkua shumë. Brenda Partisë Demokratike, të tjerë personazhe më shpesh i kanë përmendur aftësitë e Argitës, kapacitetet e saj intelektuale, por ajo tregoi se rruga që kishte zgjedhur ishte diçka tjetër, nuk i shkonte asaj politike.

Në fakt, Argita Malltezi tregoi atë që demokratët donin të shikonin dje apo sot te Lulzim Basha, gjë që nuk e panë dot kurrë, apo te pasardhësi i Berishës, ndoshta edhe pak të lodhur me ashpërsinë e doktorit, me qëndrimet e tij të forta, ai profil që kërkojnë demokratët është ai që panë dje tek Argita Malltezi./ CNA





09:35 Editorial Diana Ziu

Një letër pa moral!

Një çorbë televizive! Një lakuriqësi, banalitet, me shumi...

Lajmet e fundit nga