web counter
LEXO PA REKLAMA!

SHKARKO APP

App Store
Google Play

Argita Malltezi: Nuk e solla unë Bashën, e kërkoi vetë Berishën

31 Tetor 2023, 11:26, Aktualitet CNA
Argita Malltezi: Nuk e solla unë Bashën, e kërkoi vetë
Argita Malltezi

Argita Malltezi, vajza e ish-kryeministrit Sali Berisha, ka treguar më në fund detaje se si Lulzim Basha u bë pjesë e Partisë Demokratike. 

Në një intervistë televizive, Argita Malltezi është shprehur se ka qenë Lulzim Basha ai që ka kërkuar takim me Sali Berishën. Këtë kërkesë Basha ia ka paraqitur vetë Argita Malltezit.

Kjo e fundit theksoi se i ka mundësuar takimin, por në asnjë moment nuk ka ndikuar në vendimmarrje. 

“Nuk e kam sjellë kurrë në politikë. Kjo është gënjeshtër. Sigurisht që ka qenë pjesë e rrethit të afërt shoqëror. Ai ka pasur ofertë kur ka ardhur në 2005 nga një parti tjetër. E vetmja gjë që më ka kërkuar, ka qenë që donte të takonte Sali Berishën. Nuk e kam ditur konkretisht se për çfarë do flasin dhe nuk kam dashur ta di. Nuk kam dashur që të më kërkonte një hallkë tjetër. Nuk e kam bërë kurrë një gjë të tillë. Nuk e kam bërë kurrë për një arsye të vetme, nuk kam dashur kurrë t'i jap kosto Sali Berishës me njerëz që sugjeroj unë. A më ka zhgënjyer Basha? Kjo është pyetje retorike", tha Argita Malltezi./CNA

 

 

 





Lajmet e fundit nga