web counter
LEXO PA REKLAMA!

SHKARKO APP

App Store
Google Play

Rama nderon kampionin e karatesë, Alvin Karaqin/ Batutat e kryeministrit: Dhëndri që çdo vjehrrë do të donte të kishte

31 Tetor 2023, 10:37, Aktualitet CNA
Rama nderon kampionin e karatesë, Alvin Karaqin/ Batutat e kryeministrit:
Kryeministri Edi Rama

Kryeministri Edi Rama ka nderuar në një ceremoni duke i dorëzuar "Yllin e Mirënjohjes" kampionit të karatesë në Lojërat Evropiane, Alvin Karaqin.

Ai e ka vlerësuar maksimalisht Karaqin si sportist dhe për detyrën e tij si mjek në Zvicër.

Por edhe në këtë ceremoni, ashtu siç Rama e ka zakon, nuk munguan batutat.

Teksa e nderonte Karaqin për arritjet e tij, u shpreh se është dhëndri që çdo vjehrrë do të donte të kishte për vajzën.

“Në rastin e Alvinit, një kampion që ka një veçanti të madhe sepse ndërkohë që arrin të ngjitet në majë të kompeticionit të vështirë dhe sfidues ndërkombëtar në sportin e tij, është edhe një shërbëtor i përditshëm i palodhur i shëndetit të njerëzve si mjek në Zvicër ku standardet janë më të lartat në botë dhe ku profesionistë që ushtrojnë profesionin e mjekut janë ndër më të mirët në botë. Në këtë të dytën nuk ka medalje, jam i bindur, sikur të kishte nuk do ishte çudi që edhe si mjek të merrte medalje ari.

Ai përbën një shembull frymëzues edhe të jashtëzakonshëm për këdo që në rrugën e pasionit të vet është i gatshëm të sakrifikojë dhe të angazhohet pavarësisht mundit dhe vështirësive dhe jeton merr fyrmë, ushqehet me idenë e ngjitjes në majë.

Alvini përveçse është dhe djali që çdo prind do ta donte, është edhe dhëndri që çdo vjehrrë do donte të kishte për vajzën. Nuk jam kandidat për t'u bërë vjehrri i Alvinit se një vajzë që kam është e zënë. Ai është djalë i veçantë”, tha Rama./ CNA

 





Lajmet e fundit nga