web counter
LEXO PA REKLAMA!

SHKARKO APP

App Store
Google Play

Skandali me rektorin e UBT-së/ Si i dha miliona lekë firmës ku punonte si ekonomist

25 Shkurt 2025, 15:22, Denoncim CNA
Skandali me rektorin e UBT-se?/ Si i dha miliona leke? firme?s ku punonte si
Fatbardh Sallaku

Kryeministri Edi Rama, sot u hodh sërish në sulm ndaj Prokurorisë së Posaçme dhe GJKKO-së për masat e sigurisë ndaj pedagogëve dhe stafit të Universitetit Bujqësor të Tiranës.

Kështu kryeministri ka vendosur të marrë në mbrojtje rektorin e këtij universiteti, Fatbardh Sallakun, përmes një dëgjese publike nesër në orën 09:00 në mbledhjen e grupit parlamentar të socialistëve.



CNA më herët raporti se kush është rektori Fatbardh Sallaku.

Fatbardh Sallaku, në fakt, është rektori i cili në vitin 2021 nënshkroi një marrëveshje me kompaninë e inceneratorit fantazmë të Tiranës, “Integrated Energy”. Sallaku rezulton sipas raportimeve të bëra në kohën e marrëveshjes se ka marrë para nga kompania e inceneratorëve.

Madje, sipas rektorit, kompania kishte bërë një menaxhim korrekt të mbetjeve. Pra, Fatbardh Sallaku është bashkëpunëtori i grupit të strukturuar kriminal në arrati dhe të shpallur në kërkim nga drejtësia.

Sallaku është bashkëpunëtor i tyre dhe njeriu që është përdorur për propagandë nga grupi i Mirel Mërtirit.

Por tani do të sjellim të tjera fakte për rektorin Fatbardh Sallaku.

Rektori që do të flasë nesër në mbledhjen e grupit të socialistëve, Fatbardh Sallaku, rezulton i trepunësuar.

Subjekti ku rektori Sallaku ka qenë i punësuar si ekonomist, “Net Group”, ka marrë tenderë nga UBT. Janë në total 6 transaksione me vlerë 4,544,165 lekë.

Skandali me rektorin e UBT-se?/ Si i dha miliona leke? firme?s ku punonte si
Tabela me të dhënat e tenderëve marrë nga Spending Data.Al
 

Pra, UBT i ka dhënë tenderë kompanisë ku rektori është i punësuar si ekonomist.

Ky është rektori i famshëm që do flasë nesër, që do t’i mbajë leksion grupit parlamentar të PS-së, që nuk është parë dhe dëgjuar kurrë më parë.

Se ç’punë ka një rektor të flasë para një grupit parlamentar.... Një rektor mund të thirret në Komisionin e Shëndetësisë, të Arsimit, të Bujqësisë, por kurrsesi në një komision parlamentar.

Mesa duket Fatbardh Sallaku qenka më keq se ata pedagogët që janë arrestuar sot.

Kështu, kryeministri Edi Rama do të marrë në mbrojtje një rektor të trepunësuar dhe që jep para për firmën ku punonte si ekonomist./ CNA





Lajmet e fundit nga