web counter
LEXO PA REKLAMA!

SHKARKO APP

App Store
Google Play

E fundit!

x

Ajola Xoxa mori 18 mijë dollarë nga ambasada e SHBA-ve/ Pse nuk reagojnë diplomatët amerikanë?

20 Shkurt 2025, 19:26, Denoncim CNA

Ajola Xoxa mori 18 mijë dollarë nga ambasada e SHBA-ve/ Pse nuk

Prej më shumë se 10 ditësh CNA ka zbardhur dosjen e plotë të Erion Veliajt, Ajola Xoxës dhe vendimin e SPAK për arrestimin e tij dhe të biznesmenit Elman Abule dhe masën e sigurisë për 7 personat e tjerë.

Sipas faqes 183, pika 121.20 dhe dokumentin që shikoni më poshtë thuhet se janë gjetur mjaft komunikime mes financieres Adela Kondakçiu dhe ish-drejtoreshës së “BYL-A”, Ina Goxhaj.

Por ajo që bie në sy është një shumë për një periudhë të përcaktuar që daton nga 04.01.2022 deri më 31.07.2022, ku tregohet qartë se është marrë një shumë parash për aktivitete nga muaji janar deri në korrik të vitit 2022 nga ambasada e SHBA-së në Tiranë.

“Në faqen 688 të komunikimeve, është dërguar një “Raport Federal Financiar” në gjuhën angleze, sipas të cilit periudha e aktivitetit për të cilin është akorduar dhe granti nga Ambasada është 04.01.2022 deri më 31.07.2022.

Pra, gjatë gjithë kësaj periudhe, kundrejt garantit të dhënë nga Ambasada e SHBA-së prej 18.000 USD supozohet të ishin kryer aktivitete, nga të cilat në fakt është zhvilluar veç një prej tyre, ai i 24 qershorit 2022.

Në lidhje me këtë, Adela Kondakçiu në faqen 691 shprehet se datën e raportit e ka bërë nga 1 prilli deri më 31 korrik, duke lënë të kuptohet se aktivitetet e kryera i përkasin kësaj periudhe kohore.

Përsëri del në pah fakti që Ina Goxhaj nuk ka asnjë disponim mbi vulën e "BYL-A", sipas komunikimit të faqes 692.

Ajo shprehet që vulën e ka Keti (Ketrina Braho)”, thuhet ndër të tjera në dosje.

Ndërsa mund të shihni në dokument komunikimet.

Ajola Xoxa mori 18 mijë dollarë nga ambasada e SHBA-ve/ Pse nuk

Ndërkohë institucioni diplomatik që fliste ditë e natë për luftën kundër korrupsionit instituiconi që suportoi SPAK dhe GJKKO hesht.

A duhet të ketë ndonjë reagim sqarues ambasada?

A është mbështetëse dhe e qartë Ajola Xoxa për fondet që ka dhënë përfitueses të qindra mijëra eurove projekteve nëpërmjet OJF-ve.

Gjithashtu njeriu që rezulton të ketë blerë së bashku me nënë e saj rreth 200 mijë euro veshje dhe rreth 650 mijë euro të tjera të gjeta në dokumente të çuara nga dogana shqiptare në SPAK dhe më pas të zbardhura nga GJKKO të cilat tregojnë qartësisht se Ajola Xoxa ka shpenzuar para pafund për veshjet e saj, blerje të bëra nga emra të tjerë.



Ky dokument i GJKKO dhe komunikimet e bashkëpunëtorëve të Ajola Xoxës tregojnë mjaft qartë se nuk janë vetëm bizneset private ato që kanë financuar Ajola Xoxën apo fondet e dhëna nga Bashkia e Tiranës me firmën përfundimtare të shpenzimeve dhënë nga Erion Veliaj, por ka dhe institucioni si ambasada e SHBA-së e cila ka financuar Ajola Xoxën për aktivitete të ndryshme dhe komunikimet e stafit të saj tregojnë mjaft qartë se si dhe pse janë përdorur këto fonde.

Gjithashtu CNA në zbardhjet e saj të vendimti të gjykatës ka treguar se si bashkëpunëtoret e Ajola Xoxës flasin qartazi për fatura fiktive për fryrjet e tyre etj.., pa shkuar më tej se si janë nxjerrë fondet, se si janë injektuar paratë në vende të tjera apo qindra mijëra eurot që gjendën në kasaforta dhe i marrin përsipër njerëzit të cilët i japin vila pa qira Ajola Xoxës apo përfitojnë tendera nga bashkëshorti i saj kryebashkiaku i Tiranës Erion Veliaj.

 





Lajmet e fundit nga