E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Zgjerohet lista/ Pas Ardit Gjebreas, të tjerë VIP-a janë shpërblyer nga Veliaj

18 Shkurt 2025, 13:17, Denoncim CNA

Zgjerohet lista/ Pas Ardit Gjebreas, të tjerë VIP-a janë

Një sërë personazhesh publike kanë dalë në mbrojtje të kryebashkiakut Erion Veliaj, pas momentit të arrestimit si i dyshuar për veprat penale korrupsion dhe pastrim parash. Në rrjetet sociale, shpërtheu dashuria e "neveritshme" e këtyre personazheve që inkurajonin kryebashkiakun për korrupsionin për të cilin është hetuar dhe akuzohet.

Është një listë e gjatë e këtyre VIP-ave “lëpirës”, që në fakt si shpërblim për paratë që kanë marrë nga bashkia i japin përkrahjen publike sot Erion Veliajt.

CNA pak ditë më parë solli rastin e moderatorit Ardit Gjebrea, ku sipas të dhënave nga Drejtoria e Përgjithshme e Thesarit, të pasqyruara në Open Spending Data, rezulton se Ardit Gjebrea kishte marrë para plot 6 herë nga Bashkia e Tiranës.

Ardit Gjebrea i doli në mbrojtje/ Veliaj i dha 300 milionë lekë
15 Shkurt, 11:18

Sot do të sjellim rastin e disa personazheve të tjera, të cilat kanë marrë para nga Bashkia e Tiranës dhe institucioneve të tjera si Ministria e Kulturës, Turizmit, Rinisë dhe Sporteve dhe Mbështetja për Shoqërinë Civile.

Qendra “Dritare” e Rudina Xhungës, sipas të dhënave nga Drejtoria e Përgjithshme e Thesarit, të pasqyruara në Open Spending Data, rezulton se ka plot 33 transaksione me vlerë në total 27,230,000 lekë. Shuma parash në vlera të ndryshme të dhëna nga Ministria e Kulturës, Turizmit, Rinisë dhe Sporteve si dhe Mbështetja për Shoqërinë Civile.

Shikoni të dhënat e mëposhtme.

Klea Huta është një tjetër personazh që ka marrë para nga Bashkia e Tiranës. Moderatorja ka marrë 3,442,000 lekë nga Veliaj për “Klea Huta Summer Camp 21” përmes 2 transaksioneve.

Një tjetër personazh që ka përfituar fonde nga bashkia është “Anabel” e Dalina Buzit.

Në total janë kryer 6 transaksione, me një vlerë të përfituar në total 4,056,000 lekë.

Po ashtu dhe Eraldo Rexha ka përfituar para.

Këto personazhe kanë qenë në zyrën e kryebashkiakut Veliaj dhe kanë marrë fonde për aktivitetet e tyre.

Kështu shpjegohet dhe arsyeja për të cilën dalin dhe japin mbështetjen e tyre ndaj kryetarit të bashkisë pasi kanë marrë shpërblimet nga Veliaj./ CNA