E fundit!

08:12 Politikë

“I shari shan, i mençuri mendon”/ Rama ndan mesazhin e qytetarit

Kryeministri Edi Rama ka ndarë në rrjetet sociale postimin...

Skandaloze- Administratori i landfillit të Tiranës përgjigjet me gjuhën e Mërtirit dhe Veliajt

18 Shkurt 2025, 11:26, Denoncim CNA

Skandaloze- Administratori i landfillit të Tiranës përgjigjet me

CNA i është drejtuar Prokurorisë së Posaçme kundër Korrupsionit dhe Krimit të Organizuar, prokurorit Dritan Prençi, me një shkresë më datë 27 janar 2025 ku i kemi kërkuar leje për të filmuar landfillin e Sharrës, pasi ishte Prokuroria që kishte kërkuar sekuestrimin në gjykatë.

Më kthimpërgjigjen për CNA, prokurori na orienton që të shkojmë tek Agjencia e Administrimit të Pasurive të Sekuestruara dhe Konfiskuara.

Kërkesa për SPAK-un, prokurorin Dritan Prençi

Dhe ne iu drejtuam Agjencisë së Administrimit të Pasurive të Sekuestruara dhe Konfiskuara me një shkresë në datën 31 janar 2025.

Kërkesa për Agjencinë e Administrimit të Pasurive të Sekuestruara dhe Konfiskuara

Dhe në vend që të na përgjigjet drejtuesja e Agjencisë, znj.Risena Xhaja, dhe të vinte leja për të filmuar në landfill përgjigjen e jep administratori i “Integrated Energy BV SPV”, Indrit Karaj, i cili thotë se nuk lejohet.

“Referuar vendimit numër 95 datë 28.07.2023 të Gjykatës së Posaçme të Shkallës së Parë për Korrupsionin dhe Krimin e Organizuar, miratuar me urdhrin 47, datë 10.10.2023 të Gjykatë së Apelit për Korrupsion dhe Krimin e Organizuar, ndaj shoqërisë ‘Integrated Energy BV SPV’ në të cilën është vendosur masa e sigurimit ‘sekuestro preventive’ për pasuritë e luajtshme dhe të paluajtshme të saj si dhe neni 17 pika 2 ligji 119/2014 ‘për të drejtën e informimit’ nuk mund t’iu mundësojë filmimet pranë zonës së trajtimit të mbetjeve Tiranë.

Sa më sipër shoqëria ‘Integrated Energy’ është një person juridik në hetim. Për këtë arsye çdo informacion lidhur me administrimin e kësaj shoqërie përfshirë edhe filmimet duhet vendosur në dispozicion të institucioneve që parashikohen në ligje të Posaçme”, thuhet në përgjigjen e Karajt.

Përgjigjja e Indrit Karajt, administratorit të landfillit

Sipas tij duhet t’u drejtohemi strukturave të posaçme.

Siç e theksuam më lart ne i kemi dërguar SPAK-ut kërkesën ne i jemi drejtuar strukturës së posaçme, e cila në përgjigje thotë drejtojuni Agjencisë së Administrimit të Pasurive të Konfiskuara, pasi është ajo që vendos hyjmë apo jo ne.

Përgjigja nga administratori Indrit Karaj është kthyer sikur ta kishte shkruar Mirel Mërtiri apo Erion Veliaj, që duhet të jetë një nga sharlatanët që i shërbejnë grupit të strukturuar kriminal të inceneratorëve se nuk ka asnjë arsye për të na ndaluar ne të hyjmë brenda dhe të filmojmë, pasi ne nuk kemi për të prishur as provat, pasi nuk ka ndonjë provë atje për t’u dëmtuar.

Ne thjesht do të bëjmë pamje filmike, do filmojmë gjendjen e objekteve të landfillit.

Përse duhet të ndalohet një media për të hyrë në landfill? Çfarë sigurie ka atje në landfill në këto momente? Kur as po ndërtohet, as po investohet, as nuk po bëhet asgjë për gjëje.

Për çfarë duhet ajo përgjigje arrogante nga një zyrtar i shtetit shqiptar Indrit Karaj ku kërkesa e CNA është e thjeshtë dhe e drejtë, për të filmuar landfillin e Tiranës./ CNA