Drejtoria e Blendi Gonxhes i vlerëson si “fringo” urbanet e Tiranës, që janë “karroca Dyli”

22 Korrik 2023, 13:05, Denoncim Xhovan Shyti

Drejtoria e Blendi Gonxhes i vlerëson si “fringo” urbanet e

Foto ilustruese

XHOVAN SHYTI

Në disa shkrime rradhazi kemi trajtuar gjendjen teknike dhe kushtet që ofrojnë disa prej flotave të autobuzëve që mbulojnë transportin urban të udhëtarëve në linjat e brendëshme të kryeqytetit. Kemi investiguar me kujdes, pa u ngutur, duke u përpjekur të jemi sa më korrekt me misionin tonë të gazetarisë së rreshtuar në anën e publikut.

Pasi kemi studiuar legjislacionin e kushteve që duhet të plotësojnë automjetet e kompanive të licensuara për këtë sipërmarrje e kemi ballafaquar atë me terrenin në të cilin flotat e autobuzëve të këtyre kompanive operojnë. Bëhet fjalë për mbi 20 linja të brendshme urbane, disa që mbulojnë udhëtimin në linja kryesore dhe të tjerat në ato periferike.

I kemi ndjekur lëvizjet e udhëtimit për ditë me rradhë dhe në përfundim kemi publikuar konstatimin se ndërkohë që autobuzët e linjave kryesore, përgjithësisht, i plotësojnë dhe i zabtojnë kushtet e standartit që kërkon ligji, ato të linjave periferike nuk e ofrojnë këtë standart.

Në dimër acar, në verë përvëlim/ Urbanet e Tiranës si “karroca e Dylit”
5 Korrik, 20:46

Si linja urbane më problemore, që në vend të kushteve normale u ofrojnë udhëtarëve kushte mizerabile, kemi evidentuar: “Jordan Misja - Qyteti studenti”, “Stacioni i trenit - Parku zoologjik”, linjën e “Institutit”, atë “Laprakë- Qendër”, linjën e “Kasharit “, “Uzina Dinamo e Re–Sharrë”, “Selitë-Kristal-Qendër-Stacioni i Trenit-Allias”.

Po ka dhe të tjera. Sikurse ka dhe autobuzë të linjave kryesore me të cilët ke dëshirë të udhëtosh dhe ua bën hallall 40 lekëshin e biletës ( përjashtojm këtu rastet kur për servilizëm ndaj shefave shoferët i fikin kondicionerët për të kursyer harxhimin e karburantit, për të cilin kompanitë marrin fonde plus nga Bashkia).

Kemi theksuar, gjithashtu, se megjithse kushet mizerabile që ofrojnë autobuzët e këtyre linjave vijnë në shkelje flagrante të ligjjit kompanitë pronare të tyre lejohen të vijojnë ta ushtrojnë normalisht aktivitetin. Të patrazuar nga duzinat e inspektoriateve përgjegjëse mbikqyrëse, që, megjithë ankesat e vazhdueshme të qytetarëve, rrin e vështrojnë se si qytetarëve udhëtarë u plas buza, nga hapërdarja e orareve, dhe djersa u rrjedh çurg nga vapa përvëlonëse.

Drejtoria e Blendi Gonxhes i vlerëson si “fringo” urbanet e

Ndërkohë Bashkia, përveçse nuk zgjohet nga gjumi i vapës përvëlonjëse për të marrë masa ndaj shkeljes së kontratës ndërpalëshe, u derdh kompanive urbane rregullisht, çdo muaj, subvecionin e mbuluar nga kontributet e biletpaguesve.

Nuk plotësojnë kushtet/ Linjat urbane të Tiranës, me licenca jashtëligjore
16 Korrik, 12:02

Aq e rënduar është bërë situata sa të gjendur në kushtet e mosndryshueshmërisë, as edhe të një fijeje floku të saj, udhëtarët kanë nisur protestat individuale, brenda autobuzëve ku mungesa e kondicionerit bën që djersa tu rrjedh çurg. Të martën ndodhi më e madhja, pasi mungesës së kushteve normale, udhëtarëve të linjës së “Zoologjikut” iu shtua dhe çoroditja e pritjeve teprueshëm nëpër stacione. Gjë që kishte nisur ditët e fundit për të arritur finale mesditën e të martës, kur revolta e udhëtarëve plasi brenda autobuzëve me mospranimin për të paguar biletën.

“Lajthitje” me oraret e linjës së Zoologjikut/ Udhëtarët nuk pranojnë të paguajnë vonesat
18 Korrik, 21:09

Ajo që të bën përshtypje në gjithë këtë histori të kthimit ë autobuzëve jo në mjete që të garantojnë një udhëtim normal, të standarteve, ku të mos ndjesh as të ftohtin e hidhur të dimrit e as vapën përvëluese të verës, por në një mjet torture të vërtetë, lidhet me faktin e heshtjes totale të institucioneve. Udhëtarët e intervistuar nga CNA.al pohonin se i kanë adresuar ankesat në Bashkinë e Tiranës, që është dhe institucioni i cili i pajis me liçensë kompanitë për të ushtruar këtë aktivitet, por nuk kanë marrë asnjë përgjigje.

Faktin e moskokëçarjes së punonjësve përgjegjës të Bashkisë, specifikisht të Agjencisë së Mbrojtjes së Konsumatorit, e konfirmon mosndryshimi as edhe i një qimeje floku të situatës. Mirëpo Bashkia nuk është e vetmja përgjegjëse, pasi marrja e liçensës paraprihet nga paraqitja e një dosje me shkresa të lëshuara nga një serë institucionesh të tjera, njera nga të cilat dhe më kryesorja, është Drejtoria e Përgjithshme e Shërbimit të Transportit Rrugor ( DPSHTRR), e drejtuar prej vitesh nga Blendi Gonxhe.

Një sektor i dedikuar i kësaj drejtorie çertifikon, krahas të tjerave edhe gjëndjen e përmbushjen e kushteve teknike të autobuzëve, që do përfshihen në mbulimin e shërbimit urban të linjave përkatëse. Pa këtë dëshmi, pa dëshminë e DPSHTRR-së, nuk ka këshill e kryetar Bashkia në Republikë që të liçensojë kompanitë e shërbimit urban të transportit të udhëtarëve, Detyrimin DPSHTRR nuk e ka veç në praktikën e lëshimit fillestar të dëshmisë së gjëndjes teknike të autobuzëve, po në peridicitet.

Drejtoria e Blendi Gonxhes i vlerëson si “fringo” urbanet e

Sikurse përcakton pika 8 a. e UDHËZIMIT Nr. 1649, datë 16/08/1999, të Ministrisë së Punëve Publike e Transportit/ Drejtoria e politikave te transportit rrugor: “Mbi plotësimin e disa kushteve të veçanta në transportin rrugor të udhëtarëve”;

“Për kontrollin në plotësimin e kushteve në komoditetin e autobusëve në transportin e udhëtarëve, organi i akredituar në fushën e mjeteve motorike rrugore dhe i miratuar nga Ministri për kryerjen e veprimtarive specifike në këtë fushë, pas verifikimit në plotësimin e kushteve të kapitullit IB, “Komoditeti i udhëtimit”, lëshon për çdo autobus dokumentin në përputhje me aneksin 2 të këtij udhëzimi …”.

Në vijim, po i njejti specifikon se akti i vlerësimit në plotësimin e kushteve të komoditetit të autobusëve në transportin e udhëtarëve lëshohet çdo vit, pasi autobusi ka kryer me rezultat pozitiv kontrollin teknik, të detyrueshëm, në qendrën e kontrollit teknik, të miratuar nga Ministri përgjegjës për transportin dhe është pajisur me çertifikatën e kontrollit teknik. Ligji është i qartë e i prerë.

Nëse të gjitha hallkat institucionale do të funksiononin sipas detyrimit ligjor gjithçka do të ishte konform standartit dhe udhëtarëve s’ka pse ti plas buza. Po atëherë çfarë luhet e çfarë fshihet pas perdes së fiktivitetit dokumentar, që mban në këmbë të pandëshkuar “kartelin” e shkelësve flagrantë të legjislacionit për funksionimin e transportit urban të udhëtarëve?! /CNA.al

KUJDES! Shkrimi është ekskluziv i CNA.al dhe gëzon të drejtën e autorësisë, sipas Ligjit Nr. 35/2016, “Për të drejtat e autorit dhe të drejtat e lidhura me to”. Ai mund të ripublikohet nga mediat e tjera vetëm duke cituar “CNA.al” shoqëruar me linkun e artikullit origjinal.