web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi: Në grupin e strukturuar kriminal të inceneratorëve ka dhe ish-politikanë të djathtë

14 Korrik 2023, 15:05, Denoncim CNA

Denoncimi: Në grupin e strukturuar kriminal të inceneratorëve ka

Ish-drejtuesi i lartë i policisë, Shemsi Prençi, denoncoi përfshirjen e shumë ish-politikanëve të së djathtës tek inceneratorët.

Sipas tij, disa ish-politikanë nga e djathta janë aksionerë dhe pjesë e grupit të strukturuar kriminal.

Gjatë një interviste televizive, Prençi deklaroi se së shpejti pritet të dalin emrat e të gjithë personave që janë aksionerë në aferën e inceneratorëve, të cilët kanë filluar të largohen nga vendi.

Ish-drejtuesi i lartë i policisë u shpreh se pritet që SPAK ta hetojë çështjen si grup të strukturuar kriminal, ku do të preket dhe Kryeministria.

“Nëse keni ndjekur me vëmendje seancën plenare e keni kuotuar se sa ministra janë të trembur. Unë kam thënë dhe para 6 muajsh se në grupin e strukturuar kriminal të inceneratorëve ka dhe ish-politikanë të djathtë që janë aksionerë. Koha do ta tregojë.

Unë kam folur me emra. Shumë shpejt do të ketë hetim për grup të strukturuar kriminal të inceneratorëve, ku do të preket dhe kryeministria. Do të ketë dhe ish-politikanë nga e djathta, nuk duhet të mërzitemi. Ajo që uroj unë është të mos ketë shumë avokatë për Arben Ahmetajn”, theksoi Prençi./ CNA.al





Lajmet e fundit nga