E fundit!

09:08 Aktualitet

Krimi që ka ndodhur me protestën

Qytetarët kanë të drejtë të protestojnë, rinia. Për Zvërne...

Rruga më e çuditshme në botë ndodhet në Kamëz/ U ‘privatizua’ nga Hasanajt

6 Korrik 2023, 21:26, Denoncim CNA

Rruga më e çuditshme në botë ndodhet në Kamëz/ U

Një prej rrugëve më të çuditshme, për të cilën mund të keni dëgjuar të flitet ndodhet në Kamëz.

Ajo fillon me derë dhe përfundon me bidona, sepse fisi i Hasanajve e ka “privatizuar” dhe nuk lejon askënd të kalojë.

Një qytetare e njësisë numër 2 bën denoncimin dhe kërkon ndihmën e emisionit “Stop”.

Denoncuesja: Rruga “Voskopoja” është në krah të djathtë, ku ecën për rrugës “Macukull”. Problemi është, se thotë është rruga jonë. Kasemi, Kasem Hasanaj. Unë e kam ble vetë, e kam pagu vetë, ndërkohë është shtruar nga Bashkia. E kanë pas mbyll, që ka vite e vite. S’kemi pas kalu asnjëherë andej. Po s’na lejshin! S’na lejshin, që të kalojmë andej. Edhe tashi, që e hapi Bashkia, prapë nuk na lejnë. Ka 1, që e kanë vu portën, atje sipër kanë vënë disa shishe 10 kg, i kanë vu rresht 4-5 shishe, kurse këtu poshtë kanë vënë portën.

Gazetarja: Çfarë punë iu prish bllokimi i rrugës aty?

Denoncuesja: Po na prish, se ne e kemi më afër psh: tu shku te stacioni i autobusit, për të shkuar te dyqani, na nevojitet psh, se nuk kemi rruge ne, asnjë rrugëdalje për sipër, vetëm e kemi për drejtë.

Gazetarja: Si justifikohen ata?

Denoncuesja: Ata thonë, kur të vini me kalu këtej, bjerini derës se ju a hapim derën ne, që të kaloni ju. Po si është ajo punë kështu?

Denoncuesja: Po tek Bashkia. Ato kanë ardhur ato të Bashkisë. Po se ça kanë ba ato të Bashkisë, nuk na kanë dhanë kush përgjigje. Ne kërkojmë të na hapet rruga!

“Stop” iu drejtua Bashkisë Kamëz, ku folën me Drejtoreshën e Investimeve Flora Muça dhe Kryeinspektorin e INUV, Arben Laci dhe të dy na premtuan zgjidhje.

Bashkë me zyrtarët në fjalë “Stop” shkoi në rrugën private, zgjidhëm problemin, duke e cliruar rrugën dhe përuruar hapjen e saj./tvklan