E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Denoncimi: Nënkryetari i bashkisë me firmë ndërtimi/ Sulaj, reagim për CNA: Nuk jam në konflikt interesi

12 Nëntor 2025, 15:15, Denoncim CNA

Denoncimi: Nënkryetari i bashkisë me firmë ndërtimi/ Sulaj,

Blendi Sulaj u zgjodh nënkryetar bashkie për territorin dhe menaxhimin e zhvillimit rural në fund të muajit korrik.

Këto lëvizje erdhën në kuadër të një rifreskimi të drejtimit vendor, të kërkuar nga kryeministri Edi Rama gjatë një mbledhjeje me drejtuesit e Qarkut Tiranë.

Në fakt, Blendi Sulaj njihet edhe për kapërcimet e tij nga një krah në tjetrin. Më herët Blendi Sulaj ka mbajtur postin e nënkryetarit të Partisë Republikane. Më vonë shkoi në krahun e Lulzim Bashës si kreu i FRPD-së.

Sot ai ka kaluar nga Partia Socialiste dhe është vënë në postin e nënkryetarit të Bashkisë Tiranë.

Së fundi pranë redaksisë së CNA-së ka mbërritur një denoncim ku thuhet se Blendi Sulaj është administrator i një kompanie ndërtimi të quajtur "Asinvestment".

Një kompani e regjistruar në maj të 2021 që ndodhet në rrugën “Haxhi Hysen Dalliu”, Nr.Pasurie 2/180, Zona kadastrale Nr.8350, Njësia Nr.9.

Sipas denoncimit, Sulaj ishte në konflikt të interesit.

CNA verifikoi rastin duke kontrolluar të dhënat në QKB. Sipas tyre, Blendi Sulaj është emëruar dhe është larguar disa herë si administrator i kësaj kompanie.

Por në korrik të vitit 2025, Sulaj është larguar dhe në vendin e tij është vendosur Fiqiri Haxhiaj.

CNA më tej ka kontaktuar edhe zotin Sulaj, për ta pyetur në lidhje me firmën e ndërtimit.

Në përgjigjen e tij për CNA, zoti Sulaj theksoi:

“Ju e keni lehtësisht të kuptueshme të vërtetoni a jam apo s’jam unë administratori i kësaj firme. Po të them dhe këtë tjetrën dhe nga ana juridike sikur unë të kisha qenë administrator i ndonjë firme private, se unë vij nga fusha e biznesit dhe për herë të parë e kam detyrën që jam pjesë e detyrave funksionare shtetërore dhe e rëndësishme është që ajo firmë që unë sikur të isha po flas, sikur të isha që s’jam, e rëndësishme është që ajo firmë që jam unë nuk ka asnjë konflikt interesi me Bashkinë e Tiranës. Pra, këtë po mundohem t’iu shpjegoj, unë nuk jam administrator i asaj firme, ju mund ta shikoni, mund ta verfikoni. Shikoni ekstraktin historik dhe e shikoni që nuk jam administrator i asaj kompanie”.

Në këtë mënyrë, zoti Sulaj ka hedhur poshtë të ketë qenë në konflikt intersi apo të ketë lidhje me ndonjë kompani ndërtimi, në këtë rast të "Asinvestment"./ CNA