web counter
LEXO PA REKLAMA!

SHKARKO APP

App Store
Google Play

E fundit!

x

Rusia mund të prishë marrëveshjen Kosovë-Serbi

29 Mars 2023, 07:34, Blog Stavros Tzimas
Rusia mund të prishë marrëveshjen Kosovë-Serbi
Foto ilustruese

Marrëveshja midis Serbisë dhe Kosovës për zbatimin e një marrëveshje të mbështetur nga Bashkimi Europian për normalizimin e lidhjeve, e arritur në qytetin e Ohrit të Maqedonisë së Veriut disa ditë më parë, solli lehtësim në gjithë rajonin e Europës Juglindore, por edhe në Bruksel dhe Uashington.

Megjithatë, pasja e një optimizmi shumë të madh do të ishte e papërshtatshme. Me miratimin e propozimit franko-gjerman, presidenti serb Aleksandër Vuçiç dhe kryeministri i Kosovës Albin Kurti, kanë pranuar në thelb një kornizë për dialogun midis 2 vendeve.

Rusia mund të prishë marrëveshjen Kosovë-Serbi

Që të ndodhë një ndryshim i vërtetë, do të duhet kohë dhe vullnet nga të dyja palët, dhe sigurisht edhe ndihmë (në formën e politikës së “karotës” dhe “shkopit”) nga europianët, por edhe amerikanët. Mosmarrëveshjet që kanë nga pas një histori urrejtjeje dhe konfrontimi të dhunshëm, si ai midis Kosovës dhe Serbisë, mund të zgjidhen rrallë me marrëveshje, dhe aq më pak kur ajo është imponuar nga lart.

Dy udhëheqësit mund të jenë shumë të vetëdijshëm për përfitimet gjeopolitike të shërimit të plagëve dhe mbi përfitimet që do të sillte një përparim i tillë për njerëzit e vendeve të tyre, por edhe për qytetarët e Ballkanit në përgjithësi.

Megjithatë, ata duhet që më së pari të bindin bashkëkombësit e tyre mbi lëshimet e dhimbshme që do t’u duhet të bëjnë. Do të jetë shumë e vështirë të shesësh një “tradhti kombëtare” të këtyre përmasave, duke qenë se si Vuçiç po ashtu edhe Kurti e kanë ndërtuar karrierën e tyre politike mbi mosmarrëveshjet e vazhdueshme lidhur me këtë çështje.

Në Serbi, Aleksandër Vuçiçit do t’i duhet ta përdorë të gjithë karizmën e tij të padiskutueshme populiste për të parandaluar një valë të fortë të zemërimit popullor. Mos harroni se serbët dhe shqiptarët nuk nënshkruan një marrëveshje në Ohër. Vuçiç deklaroi se nuk mund të nënshkruajë një dokument ligjërisht të detyrueshëm sepse ai nuk e njeh Kosovën si shtet të pavarur.

Rusia mund të prishë marrëveshjen Kosovë-Serbi

Për rrjedhojë marrëveshjen nuk e nënshkroi as kryeministri i Kosovës Albin Kurti. Gjithsesi që të dy thanë se janë dakord me deklaratën e bërë nga shefi i politikës së jashtme të Bashkimit Europian, Josep Borrell, mbi përmbajtjen e takimit. Prandaj samiti pati “tym të bardhë”.

Ndërkohë, në këtë diskutim nuk mund të lihet jashtë ekuacionit Rusia. Moska mund t’i kthejë gjërat përmbys duke përdorur në maksimum ndikimin e saj diplomatik te Beogradi nëse do të mendojë se Serbia rrezikon të dalë jashtë sferës së saj të ndikimit për të kërkuar strehim gjeopolitik në Perëndim.

Shumica e popullsisë serbe (dhe sidomos pensionistët) janë prorusë, dhe kanalet e ndikimit rus, kryesisht Kisha Ortodokse, mbeten shumë të forta. Çështja është nëse Moska do të përpiqet që ta përdorë të gjithë këtë si një armë duke hedhur në erë të gjithë këtë arritje, nëse vëren se Vuçiç po largohet realisht nga sfera ruse e ndikimit. Në çdo rast, pajtimi do të jetë një rrugë e gjatë dhe e vështirë për serbët dhe shqiptarët./ Përshtatur nga CNA.al





Lajmet e fundit nga