web counter
LEXO PA REKLAMA!

SHKARKO APP

App Store
Google Play

Zgjidhet ngërçi/ Gati shpronësimet për 148 pasuri në lotin II të segmentit Elbasan-Qafë Thanë

10 Shkurt 2026, 19:15, Aktualitet CNA

Zgjidhet ngërçi/ Gati shpronësimet për 148 pasuri në

Procesi i shpronësimeve në lotin II të Korridorit 8 po hyn në një fazë vendimtare, duke krijuar kushtet për vijimin normal të punimeve në segmentin rrugor Elbasan – Qafë Thanë, një nga akset më problematike për shkak të vonesave.

Agjencia Shtetërore e Shpronësimit ka publikuar kërkesën për shpronësimin, për interes publik, të 148 pasurive që preken nga ndërtimi i këtij segmenti në zonën e Mirakës, në territorin e Bashkisë Librazhd. Vlera paraprake e kompensimit për këto pasuri përllogaritet në rreth 44.3 milionë lekë dhe lidhet me lotin II të projektit.

Procedura e shpronësimit është shpallur edhe për 15 pasuri të tjera që preken nga punimet në lotin III të të njëjtit aks. Shpronësimet, së bashku me nevojën për spostimin e linjave të tensionit të lartë, kanë qenë ndër faktorët kryesorë që kanë penguar ritmet e ndërtimit dhe kanë sjellë tejkalim të afateve kontraktuale.

Sipas parashikimeve të ARRSH punimet pritet të përfundojnë brenda këtij viti në disa lote të Korridorit 8, gjithashtu pritet që të përfundojnë dhe fazat II,III, V.

Faza përfshijnë segmentin që nis nga Labinot – Fushë dhe përfundon në qytetin e Librazhdit, raporton Scan Tv.

Faza V përfshin ndërtimin e tunelit dhe është e ndarë në dy nënsegmente, njëri prej të cilëve nis pas urës së Murrashit, duke garantuar lidhjen mes fazës III dhe asaj V.

Aktualisht, në këtë drejtim janë aktive 8 kontrata ndërtimi, që shtrihen në një gjatësi totale prej rreth 26 kilometrash. Në planin afatmesëm, brenda vitit 2026, parashikohet përfundimi edhe i 6 loteve të tjera në aksin Elbasan – Rrogozhinë, me një gjatësi prej rreth 20 kilometrash.

Pas përfundimit të plotë, aksi do të funksionojë si rrugë interurbane e kategorisë B, me dy korsi për çdo drejtim lëvizjeje dhe me shpejtësi të lejuar nga 90 deri në 140 km/orë, sipas standardeve teknike të projektit./ CNA





Lajmet e fundit nga