web counter
LEXO PA REKLAMA!

SHKARKO APP

App Store
Google Play

“Plumbi i Artë”/ Dëshmia: Nuredin Dumani porositi vrasjen e Lulzim Mashës për 100 mijë euro

10 Shkurt 2026, 13:16, Aktualitet CNA

“Plumbi i Artë”/ Dëshmia: Nuredin Dumani porositi vrasjen

Këtë të martë në GJKKO ka vijuar procesi si pjesë e dosjes “Plumbi i Artë”, teksa në seancën e sotme dëshmoi edhe i pandehuri Henrik Hoxhaj.

Hoxhaj zbuloi detaje nga disa prej ngjarjeve më të rënda kriminale të viteve të fundit në Shqipëri.

I pandehuri rrëfeu se një emër i njohur në botën e krimit, Nuredin Dumani, kishte porositur vrasjen e Lulzim Mashës për 100 mijë euro.

“Për Lulzim Mashën, porosinë për këtë rast, Nuredini ma ka dhënë në Kosovë, në Gjilan, atje rrinte. Porosia fillimisht ishte për djalin e Lulzim Mashës, por nuk e gjetëm. Nuredini më tha se vajza e Lulzim Mashës kishte qenë e fejuar me një nga vëllezërit Dizdari dhe pas ndarjes, këta Mashat nuk i kishin kthyer disa para apo prona që Dizdarët kishin kaluar në emër të tyre. Armën për ngjarjen na e dha 'sakati', Nuredini na lidhi me të, kjo armë u përdor, por i ngeci për dreq Skerdit atë ditë. Unë kisha berë dhe prova, 2 ditë para kisha qëlluar. Nuk po gjenim të birin dhe menduam të godisnim të atin që të vinte ky nga jashtë, kështu i bënim ne këto punë. Kur bëmë ngjarjen ndaj Lulzim Mashës, unë dëgjoja çdo gjë në radio, se kisha radio policie. Skerdi doli huq dhe i ngeci arma. Në radio jepeshin përshkrimet e tij, me këtë bluzë, kaq i gjatë etj. Dhëndri ka hedhur disa prona në emër të vjehrrit e kunatit. Dhëndri u nda nga vajza dhe këta nuk i kanë kthyer ato lekë a prona pas. Ne nuk po e gjenim dot djalin e Mashës, se rrinte në Maqedoni. Në fillim diskutuam për 150 mijë euro. Pastaj për Lulzim Mashën për 100 mijë euro”,-dëshmoi Hoxhaj./CNA

 

 





Lajmet e fundit nga