web counter
LEXO PA REKLAMA!

SHKARKO APP

App Store
Google Play

Vendimi i Kushteueses për Ballukun/ Gazetari: As mish as peshk, gjykata tregoi mungesë dinjiteti

9 Shkurt 2026, 19:58, Aktualitet CNA

Vendimi i Kushteueses për Ballukun/ Gazetari: As mish as peshk, gjykata

Vendimi i fundit i Kushtetueses, që lidhet me çështjen e Belinda Ballukut, ka nxitur reagime të forta si nga mazhoranca ashtu dhe nga analistë apo eksponentë të tjerë të politikës.

Kryeministri Edi Rama ka sinjalizuar ndryshime ligjore për të shmangur në të ardhmen pezullimin e funksionarëve të emëruar nga Presidenti i Republikës.

Sipas Ramës, ndërhyrja në Kodin Penal synon të qartësojë kompetencat dhe të evitojë situata të ngjashme.

Vendimi i Gjykatës Kushtetuese është kritikuar ashpër nga gazetari Martin Leka, i cili në emisionin “Tirana Live” e cilësoi qëndrimin e saj si të paqartë dhe pa vlerë juridike. Ai theksoi se barazimi i votave nuk prodhon drejtësi dhe minon rolin e institucionit më të lartë kushtetues në vend.

Sipas Lekës, një gjykatë që nuk arrin të marrë vendime përfundimtare dëmton besimin e qytetarëve te shteti dhe te demokracia, duke e kthyer drejtësinë në një proces të bllokuar dhe pa autoritet.

“Problemi i Gjykatës Kushtetuese, është as mish as peshk. Në këtë qëndrim, në relacionin e një vendim 4 me 4, i cili nuk është vendim, Gjykata Kushtetuese ka treguar mungesën e plotë të dinjitetit që mund të kishte një Gjykatë Kushtetuese.

Gjykata Kushtetuese është gjykata e fundit, ku pretendohet se do ketë drejtësi. Ajo ka qenë e paaftë për të dhënë drejtësi.

Një gjykatë që është e paaftë për të dhënë drejtësi, është një gjykatë e dështuar. Kjo e dëmton gjykatën, demokracinë, qeverinë, opozitën, por edhe të gjithë qytetarët shqiptarë”, tha ai./ CNA





Lajmet e fundit nga