web counter
LEXO PA REKLAMA!

SHKARKO APP

App Store
Google Play

E fundit!

x

Vetëdorëzohet kryebashkiaku i Rrogozhinës

9 Shkurt 2026, 22:24, Aktualitet CNA

Vetëdorëzohet kryebashkiaku i Rrogozhinës

Kryebashkiaku i Rrogozhinës Edison Memolla është vetëdorëzuar në policinë e Kavajës.

Ai u shpall fajtor për akuzën e korrupsionit aktiv në zgjedhje kryer në bashkëpunim dhe dënua me 1 vit burgim nga Gjykata e Apelit të Posaçëm.

Me vendimin e Apelit, dënimi merr formë të prerë dhe Memolla do të vuajë dënimin me burg.

Trupi gjykues rrëzoi ankimimin e bërë nga mbrojtja, duke konfirmuar plotësisht vendimin e dhënë më herët nga GJKKO.

Si pasojë, Memolla humb përfundimisht mandatin si kryetar bashkie dhe i hapet rruga procedurave për zbatimin e vendimit penal.

Pas shpalljes së vendimit të formës së prerë, në Bashkinë e Rrogozhinës pritet të shpallen zgjedhje të parakohshme për kryebashkiak.

Sipas ligjit, zgjedhjet duhet të zhvillohen brenda 45 ditëve.

Nga hetimet e SPAK-ut është konstatuar dhe provuar se Memolla, në zgjedhjet e pjesshme vendore të 6 marsit 2022, ka ndikuar tek elektricisti Blerim Xhamani që të mos i ndërpresë energjinë elektrike një abonenti debitor, me qëllim votën në favor të tij, si dhe komunikoi me të për punësimin në Bashkinë Rrogozhinë, në këmbim të votës./ CNA





Lajmet e fundit nga