web counter
LEXO PA REKLAMA!

SHKARKO APP

App Store
Google Play

E fundit!

x

Zbaticë në brigjet e Shëngjinit, deti tërhiqet rreth 20 metra në zonën qendrore të plazhit

4 Mars 2026, 12:55, Aktualitet CNA

Fenomeni i zbaticës është shfaqur në brigjet e Shëngjinit, ku në zonën qendrore të plazhit deti është tërhequr rreth 20 metra nga vija e zakonshme bregdetare. Si pasojë, është zbuluar një sipërfaqe e konsiderueshme rëre, ndërsa më të ekspozuara janë shfaqur edhe ambientet e lokaleve që gjatë sezonit veror ndodhen pranë vijës së ujit.

Pamjet e krijuara kanë tërhequr vëmendjen e banorëve dhe frekuentuesve të zonës, të cilët shprehen se ky fenomen nuk është i pazakontë për këtë bregdet. Sipas tyre, zbaticat e tilla përsëriten pothuajse çdo vit, sidomos në periudha të caktuara, kryesisht jashtë sezonit turistik.

Ekspertët e mjedisit e lidhin këtë dukuri me faktorë natyrorë, si ndryshimet e presionit atmosferik, drejtimi dhe forca e erërave, si edhe lëvizjet e masave ujore.

Megjithatë, zbaticat e tilla rikthejnë në vëmendje edhe ndikimin e kushteve natyrore në vijën bregdetare, një element që shpesh ndryshon formë nga një sezon në tjetrin, duke krijuar pamje të pazakonta për pushuesit, por të njohura për banorët e zonës./ CNA





Lajmet e fundit nga