web counter
LEXO PA REKLAMA!

SHKARKO APP

App Store
Google Play

E fundit!

x

Sherri mes zyrtarëve të IKMT-së/ Shpallet në kërkim drejtori i Mjedisit

4 Mars 2026, 10:08, Aktualitet CNA
Sherri mes zyrtarëve të IKMT-së/ Shpallet në kërkim
Drejtori i Inspektimit të Mjedisit në IKMT, Klesti Çela

Policia e Tiranës ka shpallur në kërkim drejtorin e Inspektimit të Mjedisit në IKMT, Klesti Çela, pasi dhunoi për shkak të detyrës drejtorin e Drejtorisë së Ekzekutimit të Vendimeve të IKMT-së, Fatmir Metën.

“Autoritetet kanë shpallur në kërkim shtetasin K. Ç., pasi dyshohet se dje, së bashku me 3 shtetas ende të paidentifikuar, ka goditur për shkak të detyrës shtetasin F. M., drejtor i Drejtorisë së Ekzekutimit të Vendimeve të IKMT-së, në ambientet e këtij institucioni. Punohet për sqarimin e plotë të rrethanave të rastit”, thuhet në njoftim.

CNA raportoi se sherri midis zyrtarëve ka ndodhur në lidhje me çështjen e dherave.

Sherri ka nisur pas një urdhri të dhënë nga kreu i IKMT-së për kontrollin dhe inspektimin e të gjitha zonave ku po hidhen dhera prej një viti pa kriter.

Çështja e dherave, aq shumë e përfolur për landfillin e Tiranës, ka filluar të kthehet në një konflikt të ashpër midis zyrtarëve të shtetit. IKMT-ja ka kërkuar të kontrollojë dhe të verifikojë se ku hidhen dherat, nga cilat subjekte, të cilat në mënyrë abuzive tashmë po i hedhin rrugëve apo i hedhin nëpër lumenj.

Kështu ka nisur konflikti midis drejtorit të Mjedisit, Klesti Çela, dhe Fatmir Metës. I pari ka pretenduar se nuk është kompetencë e IKMT-së, ndërkohë që zoti Meta ka qenë thjesht dhe vetëm në zbatim të një urdhri të drejtorit, eprorit të tij.

Konflikti lindi nga dherat, një çështje e trajtuar shpesh në CNA, e cila lidhet me landfillin e Tiranës. Prej gati një viti në landfillin e Tiranës nuk depozitohen më dherat. Subjektet detyrohen të paguajnë kosto shtesë apo t’i hedhin rrugëve ato mbetje./ CNA





Lajmet e fundit nga