web counter
LEXO PA REKLAMA!

SHKARKO APP

App Store
Google Play

E fundit!

x

Pse plasi dhuna midis zyrtarëve të IKMT-së?

3 Mars 2026, 17:03, Aktualitet CNA

Pse plasi dhuna midis zyrtarëve të IKMT-së?

Drejtori i Ekzekutimit të Vendimeve në IKMT, Fatmir Meta u dhunua nga drejtori i Inspektimit të Mjedisit në IKMT, Klesti Çela. Burime zyrtare i thanë CNA-së që sherri midis zyrtarëve ka ndodhur në lidhje me çështjen e dherave.

Pse plasi dhuna midis zyrtarëve të IKMT-së?
Inspektori Fatmir Meta

Sherr i nisur pas një urdhri të dhënë nga kreu i IKMT-së për kontrollin dhe inspektimin e të gjitha zonave ku po hidhen dhera prej një viti pa kriter.

Pse plasi dhuna midis zyrtarëve të IKMT-së?
Drejtori i Mjedisit, Klesti Çela

Pra çështja e dherave aq shumë e përfolur për landfillin e Tiranës ka filluar të kthehet në një konflikt të ashpër midis zyrtarëve të shtetit. IKMT-ja ka kërkuar të kontrollojë dhe të verifikojë se ku hidhen dherat, nga cilat subjekte, të cilat në mënyrë abuzive tashmë po i hedhin rrugëve apo i hedhin nëpër lumenj.

Dhe këtu ka lindur dhe konflikti midis drejtorit të Mjedisit Klesti Çela dhe Fatmir Metës. I pari ka pretenduar se nuk është kompetencë e IKMT-së, ndërkohë që zoti Meta ka qenë thjesht dhe vetëm në zbatim të një urdhri të drejtorit, eprorit të tij.

Konflikti lind nga dherat, një çështje e trajtuar shpesh në CNA, e cila lidhet me landfillin e Tiranës. Prej gati një viti në landfillin e Tiranës nuk depozitohen më dherat. Subjektet detyrohen të paguajnë kosto shtesë apo t’i hedhin rrugëve ato mbetje.

 

Ishte kriminale se si u veprua në atë kohë kur u bë monopol në Tiranë çështja e dherave për t’i drejtuar ato në landfillin e Tiranës, por duke mos i dhënë një zgjidhje të vërtetë problemit. Duke përdorur dhe tarifa të shtrenjta ku bizneset duhet të paguanin deri në 8 euro për dherat që ata çonin apo më tepër, dhe më pas një shumtë madhe parash për t’i riblerë në rast se do t’iu duhej t’i ripërdornin.

Janë dhënë me dhjetëra leje ndërtimi, hapen gropa në kryeqytet dhe dherat nuk kanë ku të hidhen. Një problem pa zgjidhje ende pas më shumë se 6 apo 7 vitesh të denoncimit të aferës së landfillit të Tiranës me inceneratorin që nuk ekziston.

Çështja e dherave nuk është ndonjë problematikë aq e madhe për t’u zgjidhur, mjafton të ketë vullnet, të gjendet një zonë e caktuar dhe dherat të trajtohen nga disa subjekte të cilët mund të licencohen nga shteti. Por që pas plasjes së aferës së landfillit dhe inceneratorit të Tiranës, ndërhyrjet e forta dhe bashkëpunimi i tyre me Bashkinë e Tiranës drejtuar nga Erion Veliaj, bëri që çështja e dherave në kryeqytet të kthehej në një monopol.

Policia bashkiake, Inspektoriati i Mjedisit dhe shumë institucione të tjerë të Bashkisë Tiranë për më tepër në atë kohë bënin marrëveshje dhe i ndiqnin me drona dhe me makina kamionat me dhera për të shkuar në landfill e për të mbushur arkat e Mirel Mërtirit dhe Klodian Zotos.

Ndërsa sot pas ikjes së tyre, institucionet e kanë braktisur inspektimin apo strukturat përgjegjëse kanë braktisur zgjidhjen përfundimtare të kësaj çështje në kryeqytet, e cila pa diskutim kërkon një bashkëpunim të Bashkisë Tiranë me struktura të tjera vendore dhe qendrore për t’i dhënë një zgjidhje sa më të shpejtë, gjetjes së një venddepozitimi për dherat në kryeqytet./CNA





Lajmet e fundit nga