web counter
LEXO PA REKLAMA!

SHKARKO APP

App Store
Google Play

"Ka boshllëqe dhe paqartësi"/ Celibashi: Kërkohet ndërhyrje në ligjin për financimin e partive politike

3 Mars 2026, 11:02, Aktualitet CNA

"Ka boshllëqe dhe paqartësi"/ Celibashi: Kërkohet

Kreu i Komisionit Qendror të Zgjedhjeve, Ilirjan Celibashi, ka mbajtur fjalën e tij në tryezën e diskutimit për financimin e partive politike.

Celibashi u shpreh se sistemi i financimit përballet me një sërë problemesh që rrezikojnë integritetin e procesit zgjedhor.

Ndër të tjera ai tha se transparenca e të dhënave financiare realizohet vetëm në mënyrë pasive dhe qytetarët si pasojë nuk kanë akses në të dhëna.

“Në praktikë sistemi i financimit përballet me një sërë problemesh që rrezikojnë integritetin e procesit zgjedhor. Në Shqipëri kemi një kuadër ligjor për financimin, analizat e zbatimit tregojnë se ky kuadër ka boshllëqe, paqartësi e dobësi serioze dhe kërkohet ndërhyrje e gjerë. Thelbi qëndron te llogaridhënia barazia në garë, transparenca dhe besimi i publikut. Disa nga problematikat e evidentuara nga KQZ për financimin vjetor të partive politike.

Mungesë e publikimit proaktiv të partive, nuk vendosin në dispozicion të dhënat financiare përveçse në momentin kur KQZ publikon të dhënat. Kjo do të thotë se transparenca realizohet në mënyrë vetëm pasive dhe qytetarët, anëtarët e partisë dhe votuesit nuk kanë akses në të dhëna. Në praktikë kjo situatë krijon një hendek të madh mes standardit ligjor dhe pritshmërive demokratike për llogaridhënie.

Sipas praktikës së KQZ-së, mbi 50 për qind e partive nuk kanë marrë pjesë në 4 proceset e fundit zgjedhore. Kjo situatë tregon se auditimi shpesh realizohet në mënyrë formale, burimet administrative shpërndahen në subjekte pa aktiv politik real”, tha Celibashi. /CNA





Lajmet e fundit nga