web counter
LEXO PA REKLAMA!

SHKARKO APP

App Store
Google Play

E fundit!

x

Përfaqësuesi i Shqipërisë në Katar: 200 shqiptarë në gadishull, ja gjendja e tyre pas sulmeve

2 Mars 2026, 21:52, Aktualitet CNA

Përfaqësuesi i Shqipërisë në Katar: 200 shqiptarë

I ngarkuari me punë i Shqipërisë në shtetin e Katarit, Ermal Kaleci tregoi sot situatën e krijuar pas trazirave të ditëve të fundit nga sulmet në Lindjen e Mesme.

Në një dalje televizive, Kaleci u shpreh se në Katar janë 200 shqiptarë, që sipas informacioneve të marra nga komunikimet me ta, janë të gjithë shëndoshë e mirë.  

Sipas Kalecit, gjendja sot në Katar ka qenë më e qetë, teksa qytetarëve iu kërkohet të ruajnë qetësinë dhe të zbatojnë protokollin e përcaktuar nga autoritetet.

“Dita sot ka qenë më e qetë. Sot ishim në një takim me Ministrinë e Punëve të Jashtme ku kryesohej nga zëdhënësi për shtyp i kryeministrit dhe vazhdimisht autoritetet e Katarit dhe ne udhëzojmë qytetarët tanë që të ruajnë qetësinë dhe të zbatojnë protokollet që na kanë dhënë autoritetet e shtetit të Katarit. Por edhe një herë qytetarët shqiptarë të zbatojnë protokollet dhe nëse nuk kanë punë të qëndrojnë në shtëpitë e tyre sepse akoma nuk ka ikur rreziku. Në muajin shtator ne hapëm selinë e re të ambasadës së Shqipërisë në Katar dhe ftuam të gjithë shqiptarët aty dhe krijuam një database. Ne i kemi identifikuar 200 shqiptarë, me numra telefoni dhe se ku punojnë. Asnjë shtetas shqiptar nuk ka marrë lëndime. Janë të gjithë shëndoshë e mirë”,-tha Kaleci./CNA





Lajmet e fundit nga