E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Peleshi, vizitë zyrtare në Kosovës/ Zhvillon takime me krerët e lartë të shtetit

2 Mars 2026, 13:47, Aktualitet CNA

Peleshi, vizitë zyrtare në Kosovës/ Zhvillon takime me

Kryetari i Kuvendit të Shqipërisë, Niko Peleshi, ka zhvilluar një vizitë zyrtare në Prishtinë, ku është takuar me krerët e lartë të shtetit, presidenten Vjosa Osmani, kryeministrin Albin Kurti dhe kryeparlamentaren Albulena Haxhiu. Vizita u zhvillua në kuadër të forcimit të bashkëpunimit strategjik dhe institucional ndërmjet Shqipërisë dhe Kosovës, duke rikonfirmuar marrëdhënien mes dy vendeve.

Sipas informacioneve në takimin me kryetaren e Kuvendit Albulena Haxhiu u përshëndet konstituimi pa vonesa i Kuvendit të Republikës së Kosovës dhe nisja e legjislaturës së re. Gjatë fjalës së tij, Peleshi vlerësoi nivelin e lartë të bashkëpunimit parlamentar mes dy Kuvendeve, mbështetur përmes Memorandumit të Bashkëpunimit të nënshkruar në vitin 2022, si dhe përmes mbledhjeve të përbashkëta në Tiranë dhe Prishtinë.

Peleshi, vizitë zyrtare në Kosovës/ Zhvillon takime me

Gjithashtu, përshëndeti rezolutën në mbështetje të ish-drejtuesve të UÇK-së që po gjykohen në Hagë, duke theksuar se ky vendim përfaqëson një shprehje të qartë të vullnetit politik dhe solidaritetit institucional, duke riafirmuar mbështetjen për një proces të drejtë dhe të paanshëm, si dhe për ruajtjen e dinjitetit të luftës çlirimtare.

Kryetarët Peleshi dhe Haxhiu theksuan nevojën për rritjen e cilësisë dhe shpeshtësisë së bashkëpunimit mes komisioneve parlamentare, grupeve parlamentare, delegacioneve në organizatat ndërkombëtare, deputetëve, administratave të të dyja Kuvendeve, shkëmbime informacioni dhe përafrim të legjislacionit në funksion të proceseve integruese europiane dhe përfaqësimit në organizatat ndërkombëtare.

Peleshi, vizitë zyrtare në Kosovës/ Zhvillon takime me

Gjatë takimit me Presidenten e Kosovës, Vjosa Osmani, kryetari i Kuvendit rikonfirmoi mbështetjen e plotë të Shqipërisë për Kosovën në arenën ndërkombëtare, për njohje të reja dhe për anëtarësim në organizata ndërkombëtare dhe rajonale. Gjithashtu u vlerësua orientimi i qartë proeuropian i Kosovës, përputhja me politikën e jashtme të BE-së dhe angazhimi për reforma në funksion të sundimit të ligjit. Peleshi theksoi se Shqipëria do të vijojë të jetë zëri më i fuqishëm në mbështetje të Kosovës, veçanërisht në përpjekjet për marrjen e statusit të vendit kandidat në Bashkimin Europian dhe anëtarësim në NATO.

Peleshi, vizitë zyrtare në Kosovës/ Zhvillon takime me

Në takimin me kreun e qeverisë, Albin Kurti u diskutua për thellimin e bashkëpunimit dypalësh në të gjitha dimensionet, si dhe për zhvillimet rajonale. U nënvizua rëndësia e bashkëpunimit parlamentar si nxitës i marrëdhënieve dypalëshe, u riafirmua mbështetja për dialogun Kosovë-Serbi të lehtësuar nga BE-ja dhe të mbështetur nga SHBA-ja, me synimin për arritjen e një marrëveshjeje përfundimtare, të bazuar në njohje të ndërsjellë.

Peleshi, vizitë zyrtare në Kosovës/ Zhvillon takime me

Palët ndanë vlerësimin se Kosova ka demonstruar përkushtim të qartë ndaj vlerave euroatlantike dhe se heqja e masave kufizuese nga BE-ja përbën një hap pozitiv për avancimin e mëtejshëm të agjendës euroatlantike të saj. /CNA