E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Një nga katër parodistët e Vlorës/ Ndahet nga jeta aktori i humorit

1 Mars 2026, 21:35, Aktualitet CNA

Një nga katër parodistët e Vlorës/ Ndahet nga jeta aktori i

Një nga katër parodistët e Vlorës, aktori i njohur i humorit Mane Lumani është ndarë nga jeta në moshën 79-vjeçare. Sipas raportimeve, aktori vuante prej kohësh nga një sëmundje e rëndë.

Mane Lumani

Lumani la gjurmë të pashlyeshme në botën e humorit dhe të skenës shqiptare. Ai e nisi karrierën e tij artistike si aktor amator në vitin 1974 në ndërmarrjen e Ullishtës, ku spikati për talentin e tij të jashtëzakonshëm në humor dhe aftësinë për të imituar figura të ndryshme.

Shumë shpejt u shndërrua në një figurë të njohur dhe të dashur për publikun. Aftësia e tij për të sjellë buzëqeshje dhe për të interpretuar role komike me një elegancë të rrallë, i dha atij një vend të veçantë në zemrat e publikut shqiptar.

Kalimi nga një aktor amator në një profesionist të skenës ishte një hap vendimtar në karrierën e Mane Lumanit. Ai iu bashkua Estradës Profesioniste të Vlorës. Në Estradën e Vlorës, ai u bë i treti që iu bashkua dyshes së famshme të Agron Hoxhës dhe Afrim Agallisë, duke hedhur themelet për krijimin e grupit të mirënjohur që do të bëhej i pavdekshëm në historinë e humorit shqiptar: “4 parodistët e Vlorës”.

Formimi i grupit “4 parodistët e Vlorës” ishte një moment kthese për humorin shqiptar. Mane Lumani, së bashku me Agron Hoxhën, Afrim Agallinë dhe Muhamet Likë që u bashkua grupit më vonë, krijuan një stil të veçantë të humorit që u bë ikonë e artit shqiptar. Ky grup njihet për paroditë e tyre të mprehta, të mbushura me satirë dhe ironi, që pasqyronin me mjeshtëri realitetin e kohës. Humori i tyre jo vetëm që argëtonte, por gjithashtu ofronte një kritikë të hollë të shoqërisë dhe politikës së kohës. /CNA