E fundit!

13:05 Aktualitet

Kallëzohet në SPAK Edi Rama

Grupi Parlamentar i PD kallëzon në SPAK Edi Ramën për vepr...

Këlliçi: Rama në vilën e diktatorit, si kthim 2 herë në vendin e krimit!

1 Mars 2026, 16:31, Aktualitet CNA

Këlliçi: Rama në vilën e diktatorit, si kthim 2 herë

Deputeti i Partisë Demokratike, Belind Këlliçi, ka reaguar lidhur me shfaqjen e kryeministrit Edi Rama te vila e ish-diktatorit Enver Hoxha.

Në postimin e tij në rrjetet sociale, Këlliçi shkruan se shfaqja sot atje e Ramës “ishte për të korrur frytet e asaj që mbolli vetë”.

Ndër të tjera, ai shprehet se Partia Demokratike po punon për të gjetur dy “zjarrvënësit e Edi Ramës”, që sipas tij ishin mes turmës së protestuesve dhe për të cilët ka dëshmi të shumta.

Ai shkruan se Shqipërinë po e njollos Rama “me vjedhjet e tij” dhe demokratët që po protestojnë “për të shpëtuar nderin vendit”.

Postimi i plotë:

Rama në vilën e diktatorit, si kthim 2 herë në vendin e krimit!

Edi Rama u shfaq sot tek Vila e Diktatorit, babait të tij politik Enver Hoxha, si kthim 2 herë në vendin e krimit, të krimit historik që bijtë e etërve nuk e dënuan kurrë, dhe krimit aktual, pasi pikërisht metodat e tij tinzare dhe njerëzit e tij të infiltruar në marshimin tonë, nxitën flakën mbrëmë.

Ishin ata që inskenuan e mashtruan për një çast protestuesit duke u thënë se aty strehohej dhe ishte prezent Edi Rama. Çka ndodhi më pas, është shprehja e ndjenjës që njerëzit kanë për kryeministrin më të korruptuar në Europë. Shfaqja sot atje e Ramës ishte për të korrur frytet e asaj që mbolli vetë.

Ndërkohë PD po punon për të gjetur dy “zjarrvënësit e Edi Ramës”, mes turmës, për të cilët ka dëshmi të shumta.

Në çdo protestë të PD, ka civilë të shërbimeve që kryeministri e Proda i tij i përdorin për të dëmtuar kauzën e drejtë të qytetarëve.

Deklaratat e dëshpëruara sot, fyerjet e sulmet përçarëse të Ramës nuk pinë më ujë.

Të gjithë e njohin portretin e tij të vërtetë që është gjysma-gys e gjysma belë, krim dhe korrupsion.

Dhe një gjë është e qartë. Turpin dhe njollën Shqipërisë ja vendos ti që e vjedh atë në çdo tender e pasuri publike, jo ata që protestojnë kundër krimit e korrupsionit.

Qytetarët e demokratët që po protestojnë po i shpëtojnë nderin vendit. /CNA