E fundit!

09:44 Politikë

Vrasja e efektivit në Maliq/ Rama: Nderime përjetë dëshmorit, ndëshkim maksimal për autorin

Kryeministri Edi Rama ka reaguar pak minuta më parë lidhur...

"Shpërthimet, turp dhe dëm i madh"/ Rama me drejtoreshën e "Art Explora" të vila e ish-diktatorit: Situata mund të kishte eskaluar

1 Mars 2026, 16:21, Aktualitet CNA

"Shpërthimet, turp dhe dëm i madh"/ Rama me

Kryeministri Edi Rama ka bërë një tjetër reagim në rrjetet sociale lidhur me incidentet e regjistruara ditën e djeshme në protestën e opozitës, ku pati dhe hedhje lëndësh shpërthyese drejt vilës së ish-diktatorit Enver Hoxha.

Në një video të postuar nga vila e ish-diktatorit krahas drejtoreshës ekzekutive të programit të Fondacionit "Art Explora"", Bisej Kapo, Rama tha se u shpreh keqardhjen artistëve që u gjendën mbrëmë përballë asaj situate.

Ai shtoi më tej se artistët janë të traumatizuar nga ajo se çfarë kishte ndodhur, ndërsa e cilësoi gjithçka si një “turp dhe dëm shumë i madh”.

“Jam këtu me drejtoren ekzekutive të programit “Art Explora”, një ndër fondacionet më proestigjioze në botë për programet e artistëve në rezidencë quhet. Prej disa kohësh kjo rezidencë e diktatorit dikur, është kthyer në një rezidencë artistësh që vijnë nga gjithë bota këtu në Tiranë, në një destinacion që jep vlerë dhe e bën të çmuar Tiranën dhe Shqipërinë edhe në këtë drejtim. Erdha për t’u takuar me artistët dhe për t’ju shprehur atyre të gjithë ndjenjën time të keqardhjes, për t’ju kërkuar falje për atë çka ndodhi mbrëmë kur u gjendën nën një sulm bombash artizanale, që largqoftë, mund të kishin sjellë edhe tragjedi këtu. Ata janë të traumatizuar. Nuk janë në gjendje të flasin për publikun. I mirëkuptoj krejtësisht dhe kjo që ka ndodhur është një turp shumë i madh, është një dëm shumë i madh, është një plagë e hapur në atë që është fytyra e Shqipërisë së re dhe të cilën e përfaqëson dhe kjo rezidencë, të cilën e mishërojnë dhe këta djem dhe këto vajza të talentuara që vijnë nga të katër anët e botës këtu. Nuk kam fjale se çfarë turpi është ky. Dua t’ ju them atyreë që i simpatizojnë barbarët e mbrëmshëm, fyrmëzuesit e tyre më saktë se dhe ata që i hedhin ato bomnba artizanale janë totalit të manipuluar. Dua t’ju them që nga kjo, nga këto humbasin të tërë ata që duan të bëjnë punë, që duan të kenë turistë, që duan të zhvillojnë ekonominë e tyre të vogël, me biznesin e tyre të vogël apo që duan të rrisin qetësisht fëmijët këtu sepse Shqipëria e hapur nuk mund të mbyllet dhe këto kërcitje thjesht dhe vetëm e çojnë ujin totalisht në mullirin e së shkuarës dhe nuk kanë të bëjnë fare me të ardhmen”, shprehet kryeministri.

Ndërkohë drejtoresha e “Art Explora” tha gjatë fjalës së saj, situata mund të kishte eskaluar dhe të kishte pasur dëme më të mëdha për shkak se godina është e gjitha me dru.

“Në darkë vetëm kur dëgjuam shpërthimin dhe artistët në moment u futën në korridorin që është më i mbrojturi. Morëm fikëset e zjarrit dhe u munduam të mos na ndodhte ndonjë gjë. Godina është e gjitha dru dhe situata mund të kishte eskaluar. Për mua fakti që nuk e dinin që është rezidenca e arteve, nuk është fare skuzim, madje më duket e turpshme që ta përdorësh si një element që padija të justifikojë veprimin”, tha Kapo. /CNA