web counter
LEXO PA REKLAMA!

SHKARKO APP

App Store
Google Play

E fundit!

x

Korça bosh në fundjavë, turizmi dhe bizneset ndjejnë pasojat e izolimit

1 Mars 2026, 17:09, Aktualitet CNA

Korça bosh në fundjavë, turizmi dhe bizneset ndjejnë

Qyteti i Korçës këtë fundjavë është paraqitur ndjeshëm më i qetë se zakonisht. Zonat më të frekuentuara turistike, si pedonalja dhe Pazari i Vjetër, kanë qenë thuajse të boshatisura, ndërsa në lokale dhe biznese shihet rënie e fortë të fluksit të klientëve.

Rënia e numrit të vizitorëve vjen një javë pas bllokimit total të rrugës së Librazhdit, në 21 shkurt, aks kyç që lidh juglindjen me pjesën tjetër të vendit.

Devijimi i qarkullimit në rrugën alternative nga Gramshi e Lozhani, ka zgjatur kohën e udhëtimit dhe ka vështirësuar ndjeshëm aksesin drejt qytetit, duke sjellë anulime rezervimesh në hotele dhe bujtina, si dhe hezitim nga vizitorët për të udhëtuar.

Nëse situata do të vijojë po njësoj, dëmi ekonomik mund të thellohet, duke prekur jo vetëm sektorin e turizmit, por të gjithë zinxhirin e shërbimeve në qytet.

Për një destinacion që mbështetet fort tek turizmi i fundjavës, kjo periudhë po rezulton një goditje e ndjeshme për ekonominë lokale. Ndërkohë, Korça pret rikthimin e gjallërisë që e karakterizon tradicionalisht në fundjavë.

Deri në një zgjidhje përfundimtare, qyteti mbetet në pritje, me biznese që përpiqen të mbajnë aktivitetin dhe me një sezon që ka nisur nën hijen e pasigurisë dhe të humbjeve ekonomike që mund të jenë të vështira për t’u rikuperuar. /CNA





Lajmet e fundit nga