E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Video/Dështon protesta e thirrur në Korçë për rrugën e Librazhdit

2 Mars 2026, 17:23, Aktualitet CNA

Protesta e paralajmëruar disa ditë më parë nga Lazjon Petri, një personazh butaforik në Korçë, që pretendon se ka mbështetje të madhe qytetare, rezultoi totalisht një dështim.

Pavarësisht thirrjeve publike për mobilizim qytetar, para bashkisë u panë vetëm disa persona, kryesisht miq të organizatorit Lazjon Petri, si dhe forca të policisë dhe përfaqësues të mediave, të cilët duhet ta ndiqnin këtë protestë.

Në pamjet e siguruara nga CNA, numri i pjesëmarrësve duket mjaft i ulët dhe protesta nuk arriti të tërheqë interesin e gjerë qytetar.

Ndërkohë, më herët gjatë ditës, ARRSH njoftoi se rruga e dëmtuar e Librazhdit do të hapet ditën e nesërme, duke rikthyer lëvizjen e lirë të mjeteve në këtë segment të rëndësishëm. Ky njoftim erdhi pas disa ditësh problematikash që krijuan vështirësi në qarkullim dhe shqetësime për qytetarët e zonës.

Megjithëse situata u konsiderua drejt zgjidhjes nga institucionet përgjegjëse, protesta nuk u anulua. Organizatori Lazjon Petri dhe mbështetësit e tij vijuan me "protestën", duke ngritur akuza për menaxhimin e situatës dhe duke kërkuar përgjegjësi.

Edhe pse situata ka marrë drejtim, protesta e kësaj të hëne në Korçë nuk arriti të mobilizojë pjesëmarrje të gjerë.

Lazjon Petri mbetet një njeri i papërgjegjshëm për faktin se edhe kur problematika zgjidhet, kërkon të protestojë për benefitet e tij politike në Korçë. Por, si gjithmonë, Korça të jep ujë "në bisht të lugës"!