web counter
LEXO PA REKLAMA!

SHKARKO APP

App Store
Google Play

Zgjati vetëm 30 minuta/ Përfundon mbledhja e Kryesisë së PS-së

3 Mars 2026, 09:38, Aktualitet CNA

Partia Socialiste ka zhvilluar paraditen e sotme mbledhjen e Kryesisë. Mbledhja ka zgjatur vetëm 30 minuta, ndërsa i pranishëm ishte edhe kryeministri Edi Rama.

Sipas raportimeve, në takim është diskutuar për zhvillimin e zgjedhjeve në strukturat e degëve të PS. Gjithashtu, Rama ka kërkuar socialistëve që të zhvillohen më shumë takime në terren me qytetarët. 

Kjo mbledhje vjen pas “furtunës” së ndryshimeve në qeveri, ku pati emërime dhe shkarkime në disa ministri. Një ditë më parë Rama takoi dhe presidentin Bajram Begaj ku i prezantoi propozimet për ndryshimet e reja në kabinetin qeveritar.

Më 26 shkurt gjatë mbledhjes së Grupit Parlamentar të PS-së Rama bëri disa ndryshime në qeveri. Kryeministri ndryshoi gjysmën e kabinetit të tij siç CNA e kishte paralajmëruar me 14 shkurt përmes disa shkrimeve. 

Ndryshimet: 

- Belinda Ballukun e largoi nga detyra dhe e zëvendësoi nga Enea Karakaçi, i cili mori postin e ministrit të Infrastrukturës dhe Energjetikës.

- Albana Koçiu zëvendësoi Belinda Ballukun në detyrën si zv/kryeministre.

- Besfort Lamallari u emërua ministër i Brendshëm, duke zëvendësuar Albana Koçiun.

- Toni Gogu mori postin e ministrit të Drejtësisë, duke zëvendësuar Besfort Lamallarin.

- Ferit Hoxha u emërua ministër i Jashtëm, ndërsa nga detyra u largua Elisa Spiropali.

- Ermal Nufi mori detyrën e ministrit të Mbrojtjes, duke zëvendësuar Pirro Vengun.

- Eriona Ismaili u emërua ministre për Marrëdhëniet me Parlamentin, duke zëvendësuar Toni Gogun. /CNA





Lajmet e fundit nga