web counter
LEXO PA REKLAMA!

SHKARKO APP

App Store
Google Play

Dhuna mes zyrtarëve të IKMT-së/ Afrim Qëndro i shkarkon nga detyra

3 Mars 2026, 17:35, Aktualitet CNA

Dhuna mes zyrtarëve të IKMT-së/ Afrim Qëndro i shkarkon nga

Kreu i Inspektoratit Kombëtar të Mbrojtjes së Territorit, Afrim Qëndro ka shkarkuar nga detyra drejtorin e Inspektimit të Mjedisit në IKMT, Klesti Çela.

Shkarkimi ka ardhur pas sherrit të ndodhur ditën e sotme mes Çelës dhe drejtort të Ekzekutimit të Vendimeve në IKMT, Fatmir Meta. Ky i fundit u dhunua nga Çela dhe përsona të tjerë.

Një tjetër i shkarkuar pas kësaj ngjarje është dhe Ervin Bixha, këshilltar pranë kryeinspektorit të IKMT-së.

Ndërsa Fatmir Meta është pezulluar nga detyra.

Burime zyrtare i thanë CNA-së që sherri midis zyrtarëve ka ndodhur në lidhje me çështjen e dherave.

Sherr i nisur pas një urdhri të dhënë nga kreu i IKMT-së për kontrollin dhe inspektimin e të gjitha zonave ku po hidhen dhera prej një viti pa kriter.

 

“Menjëherë pas marrjes së njoftimit zyrtar nga IKMT, strukturat përgjegjëse të Inspektoratit të Përgjithshëm kanë nisur verifikimin e plotë dhe dokumentimin e ngjarjes. Personat e përfshirë janë pezulluar nga detyra deri në përfundimin e hetimit administrativ dhe penal. Paralelisht, janë vënë në lëvizje të gjitha mekanizmat disiplinorë të parashikuar nga legjislacioni në fuqi. Inspektorati i Përgjithshëm nuk toleron asnjë formë dhune, sjelljeje të papërshtatshme apo cenim të integritetit institucional. Administrata publike duhet të jetë model korrektësie, profesionalizmi dhe përgjegjshmërie. Integriteti i institucionit dhe besimi i qytetarëve janë prioritet absolut. Inspektorati i Përgjithshëm do të vijojë të informojë publikun dhe mediat mbi ecurinë e procedurave”, thuhet në reagimin e IKMT-së.





Lajmet e fundit nga