Vrau vëllanë dhe kunatën/ Dënohet me burgim të përjetshëm, Arsen Muskurti

15 Tetor 2025, 15:15, Aktualitet CNA

Vrau vëllanë dhe kunatën/ Dënohet me burgim të

Gjykata e Tiranës ka dënuar me burgim të përjetshëm, Arsen Muskurtin, i cili tri vite më parë vrau vëllanë e tij dhe kunatën.

Ndaj Muskurtit rëndojnë akuzat për “Vrasje për shkak të marrëdhënieve familjare" dhe "Mbajtje pa leje dhe prodhim i armëve, armëve shpërthyese dhe municionit".

Ngjarja ka ndodhur më 31 gusht të vitit 2022, ku Muskurti ka hyrë në ambientet e një agjencie turistike dhe ka qëlluar me armë zjarri drejt vëllait dhe kunatës, duke u shkaktuar vdekjen e menjëhershme.

Njoftimi i Gjykatës së Tiranës

Gjykata e Shkallës së Parë të Juridiksionit të Përgjithshëm Tiranë, Dhoma Penale, pasi ka mbyllur shqyrtimin gjyqësor të çështjes penale në ngarkim të të pandehurit A. M., ka shqyrtuar dhe vlerësuar të gjitha aktet dhe provat të administruara në kuadër të këtij procedimi penal, ka dëgjuar palët në pretendimet e tyre përfundimtare, në referim të neneve 379 e vijues të K.Pr.Penale, 79/c, 278/1, 55 të K.Penal, në emër të Republikës,

VENDOSI

Deklarimin fajtor të të pandehurit M., për kryerjen e veprës penale të “Vrasjes për shkak të marrëdhënieve familjare”, parashikuar nga neni 79/c i K.Penal për vrasjen e vëllait të tij, shtetasit D.M. dhe në bazë të kësaj dispozite dënimin e tij me burgim të përjetshëm.

Deklarimin fajtor të të pandehurit M., për kryerjen e veprës penale të “Vrasjes për shkak të marrëdhenieve familjare “, parashikuar nga neni 79/c i K.Penal, për vrasjen e shtetases N.. M. dhe në bazë të kësaj dispozite dënimin e tij me burgim të përjetshëm.

Deklarimin fajtor të të pandehurit A. M., për kryerjen e veprës te “Mbajtjes pa leje dhe prodhimit të armëve, armëve shpërthyese dhe municionit" dhe në bazë të kësaj dispozite dënimin e tij me 7 vjet

Në bazë të nenit 55 të K.Penal, në bashkim të dënimeve, dënimin e të pandehurit me burgim të përjetshëm.

Vuajtja e dënimit për të pandehurin A. M., të fillojë nga dita e arrestimit të tij, datë 30.08.2022 dhe të kryhet në një burg të sigurisë së lartë.

Në bazë të nenit 190 të K.Pr.Penale, prova materiale e sekuestruar “Arma e zjarrit pistoletë e markes “.” kaliber . mm me numër ., si dhe një sasi prej . copë fishekë luftarakë të kalibrit . mm; si dhe .”, të kalojnë në favor të shtetit, ndërsa dy aparatët e telefonave celularë . të dy vikimave, t’u kthehen familjarëve të tyre.

Shpenzimet proceduriale të kryera gjatë fazës së hetimit paraprak dhe ato gjyqësore i ngarkohen të pandehurit.

Kundër këtij vendimi mund të bëhet ankim në Gjykatën e Apelit të Juridiksionit të Përgjithshem Tiranë brenda 15 ditëve, duke filluar ky afat nga e nesërmja e njoftimit të këtij vendimit. Vijon...