web counter
LEXO PA REKLAMA!

SHKARKO APP

App Store
Google Play

E fundit!

x

Miratohen projektrezolutat për veprimtarinë e ILD-së dhe KLGJ-së në 2024/ Diskutohen javën e ardhshme në Kuvend

15 Tetor 2025, 11:46, Aktualitet CNA

Miratohen projektrezolutat për veprimtarinë e ILD-së dhe

Komisioni për Nismat Qytetare, Bashkëpunimin dhe Mbikëqyrjen Institucionale dhe Komisioni i Çështjeve Ligjore dhe Administratën Publike kanë zhvilluar sot një mbledhje të përbashkët.

Në mbledhjen e sotme janë miratuar me shumicë votash dy projektrezolutat e veprimtarisë së ILD-së dhe KLGJ-së për vitin 2024. Kreu i Komisionit të Ligjeve, Ulsi Manja, tha se të dyja projektrezolutat do të diskutohen në seancën plenare të javës së ardhshme.

"Dy çështje kemi në rendin e ditës, ose më saktë të dyja në një sepse kemi miratim të dy projektrezolutave. Pasi kemi zhvilluar një seancë dëgjimore ku ka raportuar Inspektori i Lartë i Drejtësisë dhe Këshilli i Lartë Gjyqësor për veprimtarinë e këtyre dy institucioneve për vitin 2024, nga relatorët janë vënë në dispozicion dy projektrezolutat për t'u miratuar. 

Votimi për projektrezolutën e veprimtarisë së ILD-së për vitin 2024: 13 vota pro, asnjë kundër, 4 nuk morën pjesë në votim.

Votimi për projektrezolutën e veprimtarisë së KLGJ-së për vitin 2024: 13 vota pro, 4 kundër, asnjë abstenim.

Miratohen të dyja projektrezolutat. Ftoj relatorët të bëjnë gati raportin, të dyja projektrezolutat bashkëngjitur, të enjten e radhës, jo nesër, do të diskutohen në seancë plenare. Kemi rënë dakord edhe në Konferencën e Kryetarëve që 2 orë e gjysmë për secilin raport do të jetë diskutimi. Pra, 5 orë për të dyja. Këtu e deklaroj të mbyllur mbledhjen", është shprehur Manja. /CNA





Lajmet e fundit nga