web counter
LEXO PA REKLAMA!

SHKARKO APP

App Store
Google Play

E fundit!

x

Vjedhja e fondeve të SASPAC/ Beqaj në GJKKO: Më ka habitur shumë kjo lloj akuze

15 Tetor 2025, 14:42, Aktualitet CNA

Vjedhja e fondeve të SASPAC/ Beqaj në GJKKO: Më ka habitur

Zbulohen detaje nga seanca paraprake në GJKKO ndaj Ilir Beqajt.

Në seancën me dyer të mbyllura, Beqaj ka mbajtur edhe një fjalë të shkurtër.

Mësohet se Beqaj ka kundërshtuar akuzat ndaj tij për korrupsionin pasiv, duke e lidhur me përcaktimin e emërtimit të detyrës që ka mbajtur. 

Seanca ndaj Ilir Beqajt në GJKKO zhvillohet teksa ndaj tij rëndojnë akuza për vjedhjen e fondeve të BE-së në kohën kur drejtonte agjencinë SASPAC.

“E nderuar Gjykatë,

Edhe pse kjo seancë zhvillohet me dyer të mbyllura, dua të bëj deklaratën në vijim:

Në njoftimin e akuzës, 17 shkurt 2025, unë akuzohem edhe për veprën e korrupsionit pasiv të funksionarit të lartë për veprime të kryera në cilësinë e Drejtorit të Përgjithshëm të SASPAC.

Në 6 shtator 2023 procedimi penal 190/2023 është regjistruar për veprën penale të korrupsionit pasiv të funksionarit publik. Më tej është bërë rikualifikim i veprës penale.

Në vendim e caktimit të masës në shkallën e parë të GJKKO në 6 korrik 2024 shkruhet se, por edhe arsyetohet pse, Drejtori i Përgjithshëm i SASPAC nuk është funksionar i lartë.

Edhe në vendimin e apelit të GJKKO-së, po për vlerësimin e masës së sigurisë me 7 gusht 2024, shkruhet se, por edhe arsyetohet pse, Drejtori i Përgjithshëm i SASPAC nuk është funksionar i lartë.

Se cili funksionar i lartë sipas Kushtetutës dhe Kodi i Procedurës Penale, është shumë e qartë. Lista e subjekteve është shteruese. Më ka habitur shumë kjo lloj akuze. Kam pritur ballafaqimin gjyqësor”,-mësohet të ketë thënë Beqaj./CNA

 





Lajmet e fundit nga