web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e shqiptarit në Koridhalos/ Klodiana Lala: Kishte pasur seri përplasjesh me një grup droge nga Tepelena

19 Janar 2026, 21:13, Aktualitet CNA

Vrasja e shqiptarit në Koridhalos/ Klodiana Lala: Kishte pasur seri

Gazetarja Klodiana Lala ndau sot detaje të tjera lidhur me shqiptarin e vrarë pasditen e sotme në burgun grek të Koridhalosit.

Në emisionin “Të paekspozuarit”, Lala tregoi se Jani Aliaj ishte arrestuar në shtetin fqinj me identitet të rreme dhe pamje të ndryshuar, gjë që u bëri shumë përshtypje autoriteteve.

Sipas gazetares, Aliaj ka pasur më parë një sëri përplasjes mes dy grupimeve me bazë në Tepelenë për çështje droge.

"Ngjarja ka ndodhur në burgun e Kordhialos në Greqi, burg famëkeq, ku vuajnë dënime njerëz që kanë kryer krime shumë të rënda.

Jani Aliaj është nga Tepelena, personazh shumë i njohur. Në vitin 2016, Jani Aliaj sipas autoriteteve realizoi në një lokal, vrasjen e Elton Çiços. Pas ngjarjes Aliaj u largua nga Shqipëria. Pas kësaj vrasje pati disa vrasje të tjera që lidheshin me përplasjet mes grupeve.  Jani Aliaj u dënua me burgim të përjetshëm në mungesë.

Ai u arrestua në Greqi, me identitet të rremë dhe pamje të ndryshuar. Kishte flokë dhe la të habitur autoritetet greke dhe shqiptare. Ishte në proces ekstradimi në Shqipëri, por për sa kohë kishte probleme me drejtësinë greke, hesapet e pa mbyllura, kishin bërë të vonohej ekstradimi.

Nga arratisja nga burgu i Korfuzit, deri kur u arrestua, dyshohet t’i ishte bërë dy herë atentat. Ka patur një seri ngjarjesh në përplasje mes dy grupimeve me bazë në Tepelenë, që e kanë zanafiilën te përplasja në trafikun e drogës. 

Lidhur me atë që ka kryer vrasjen sot, sipas autoriteteve greke, bëhet fjalë prë të dënuar për vrasje, i cili një vit më parë ka ekzekutuar Artur Bashimin, sërish në burg.

Për këtë arsye, duke qenë se bëhet fjalë për eksponent me prirje të theksuara për vrasje, autoritetet greke, kanë dyshime se vrasja e Jani Aliaj mund të jetë urdhëruar nga grupime kriminale jashtë burgut. Janë grupet greke apo shqiptare, kjo mbetet të sqarohet nga hetimet",-deklaroi Lala./CNA

 





Lajmet e fundit nga