web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e Fatbardh Licit/ Safet Bajri, Behar Bajri dhe Astmer Bilali ankimojnë masën e arrestit

13 Mars 2025, 16:12, Aktualitet CNA

Vrasja e Fatbardh Licit/ Safet Bajri, Behar Bajri dhe Astmer Bilali

Të përfshirët në dosjen e vrasjes së Fatbardh Licit, saktësisht Safet Bajri, Behar Bajri dhe Astmer Bilali kanë bërë sot ankimimin e masës së arrestit në Apelin e GJKKO-së.

Mësohet se Gjykata e Posaçme e Apelit për Korrupsionin dhe Krimin e Organizuar ka regjistruar ankimimin e Safet Bajrit (Rustemit), rrëzimin e masës së sigurisë së dhënë nga shkalla e parë më 17 mars të këtij viti. Bajri kërkon lirimin pas arrestimit me urdhër nga SPAK.

Gjithashtu, kanë depozituar ankimim edhe Behar Bajri dhe personi i tretë i dosjes,  Astmer Bilali. Ata janë të akuzuar se në bashkëpunim kanë marrë pjesë në atentatin me armë zjarri, ku u vra në Shkodër Fatbardh Lici, ndodhur më 10 gusht 2018.

Sipas shortit të hedhur, trupi gjykues përbëhet nga gjyqtarja Tereza Merkaj, e cila do shprehet mbi kërkesën e avokatëve mbrojtës të tre të akuzuarve.

“Apeli i GJKKO regjistroi çështjen penale nr. 20 akti, datë 13.03.2025 regjistrimi, mbi ankimet e ankuesve S.R., A.B., B.B., me objekt: “Ankim ndaj vendimit nr. 12, datë 17.02.2025 dhe vendimit nr. 22, datë 24.02.2025 të Gjykatës së Posaçme të Shkallës së Parë për Korrupsionin dhe Krimin e Organizuar”, disponuar në lëndë të masave të sigurimit personal”,- thuhet në njoftimin zyrtar./CNA 

 

 

 





Lajmet e fundit nga