web counter
LEXO PA REKLAMA!

SHKARKO APP

App Store
Google Play

Emërohet drejtori i ri i Teatrit Kombëtar të Operës, Baletit dhe Ansamblit Popullor

12 Mars 2025, 15:03, Aktualitet CNA

Emërohet drejtori i ri i Teatrit Kombëtar të Operës, Baletit

Aulon Naçi është emëruar drejtori i ri të Teatrit Kombëtar të Operës, Baletit dhe Ansamblit Popullor.

Aulon Naçi ka përfunduar studimet në Konservatorin “J. Tomadini” në Udine, Itali. Më pas, ka vazhduar specializimin në Belgjikë, si asistent lektor në Konservatorin Mbretëror të Brukselit për një vit.

Emërohet drejtori i ri i Teatrit Kombëtar të Operës, Baletit

Veprat e tij janë interpretuar dhe pritur me entuziazëm në një gamë të gjerë vendesh, përfshirë Shqipërinë, Kosovën, Italinë, Austrinë, Greqinë, Kanadanë, Holandën, Belgjikën, Rumaninë, Slloveninë dhe shumë të tjera. Ai ka udhëhequr artistikisht aktivitete të shumta brenda dhe jashtë vendit, duke bashkëpunuar me emra të njohur të panoramës muzikore kombëtare dhe ndërkombëtare, si ansamble dhe solistë. Disa nga bashkëpunimet më të njohura janë me Korin e Filarmonisë së Kosovës dhe solistët e Orkestrës së “Teatro Alla Scala”.

Aulon Naçi ka marrë çmime të ndryshme si kompozitor dhe kontribues në muzikë përfshirë rikthimin e tij në vendlindje si “Albanian Excellence”, “Vela Latina” dhe “Krenaria e qytetit të Vlorës”. Në vitin 2023, ai u përzgjodh për të marrë pjesë në programin prestigjioz LEAD Albania, modeluar sipas programit White House Fellows në SHBA. Po ashtu, në maj 2024, ai përfundoi programin Emerging Leaders në Harvard Kennedy School duke u aftësuar në aspektet menaxheriale dhe të lidershipit./CNA 

 

 





Lajmet e fundit nga