web counter
LEXO PA REKLAMA!

SHKARKO APP

Fakte dhe prova të tjera për kryebashkiakun Erion Veliaj

11 Mars 2025, 17:52, Aktualitet CNA

Fakte dhe prova të tjera për kryebashkiakun Erion Veliaj

Apeli i GJKKO-së ka shtyrë seancën për kryebashkiakun e arrestuar të Tiranës Erion Veliaj.

Seanca e radhës do të mbahet nesër (e mërkurë 12.03) në orën 12:30. Mësohet se seanca gjyqësore është shtyrë për shkak se prokurorët Altin Dumani dhe Ols Dado kanë paraqitur fakte dhe prova të reja ndaj kryebashkiakut Erion Veliaj. Janë disa audio përgjime dhe dokumenta të reja për çështjen. 

Për këtë arsye gjyqtari Engert Pëllumbi ka shtyrë seancën për tu dhënë kohë avokatëve të palës së akuzuar për të shqyrtuar provat e reja.

Erion Veliaj po qëndron në qeli që prej datës 10 shkurt. Ndaj tij rëndojnë dy vepra penale të rënda si ajo e korrupsionit dhe pastrimit të produkteve të veprës penale.

Në një dosje prej rreth 400 faqesh janë me fakte dhe prova të gjitha abuzimet që ka kryer kryebashkiaku Erion Veliaj dhe bashkëshortja e tij Ajola Xoxa e cila ndodhet nën masën e sigurisë “detyrim me paraqitje”./ CNA





Lajmet e fundit nga