E fundit!

09:44 Politikë

Vrasja e efektivit në Maliq/ Rama: Nderime përjetë dëshmorit, ndëshkim maksimal për autorin

Kryeministri Edi Rama ka reaguar pak minuta më parë lidhur...

Infeksionet respiratore tek fëmijët/ Rriten rastet e vizitave dhe shtrimeve pranë Pediatrisë së Korçës

12 Mars 2025, 16:09, Aktualitet CNA

Infeksionet respiratore tek fëmijët/ Rriten rastet e vizitave dhe

Pediatrja Banuela Rapos ka raportuar një rritje të ndjeshme të infeksioneve respiratore tek fëmijët, me një numër vizitash që shkon deri në 80 fëmijë në ditë. Më të prekurit janë fëmijët e moshës 5-7 vjeç, dhe simptomat kryesore përfshijnë temperaturë të lartë deri në 40°C, kollë dhe dhimbje veshi. Aktualisht, në spital janë të shtruar 17 fëmijë me komplikacione si bronkopneumoni dhe pneumoni, të cilat kërkojnë trajtim të specializuar.

"Momentalisht bëhen vizita nga 75-80 në total në ditë. Përgjithësisht janë infeksione të poshtme respiratore por ka dhe të ndryshme.

Moshat më të prekura janë të ndryshme por kanë mbizotëruar moshat nga 5-7 vjeç. Mbizotërojnë këto simptoma, temperatura e lartë që mund të shkojë deri në 40, kolla dhe dhimbja e veshit. Momentalisht kemi të shtruar 17 fëmijë që tregojnë që kanë dhe komplikacione siç janë bronkopneumonitë, pneumonitë, prandaj dhe këto kërkojnë me patjetër shtrime",-tha mjekja.

Infeksionet respiratore tek fëmijët/ Rriten rastet e vizitave dhe

Sipas doktoreshës, këto viroza zgjasin të paktën 5 ditë dhe prindërit zakonisht i drejtohen mjekut pas 3 ditësh temperaturë të lartë. Nëse gjendja e fëmijës nuk përmirësohet apo temperatura vazhdon për një javë, rekomandohet shtrimi në spital.

"Minimumi që mund të mbajnë këto viroza janë 5 ditë, por mund të shkojnë dhe më shumë. Prindërit në ditën e tretë i sjellin, ka që i sjellin dhe në ditën e parë, por më së shumti në të tretën. Nëse ka nevojë thjesht për trajtim ambulator i rekomandojmë trajtimin në shtëpi nëse ka një gjë që nuk shkon ju themi për shtrim dhe zakonisht prindërit nuk refuzojnë. Nëse temperatura shikohet që ka zgjatur 1 javë duhet të hospitalizohet dhe shtrohet në spital",-tha Rapo.

Infeksionet respiratore tek fëmijët/ Rriten rastet e vizitave dhe

Ajo thekson rëndësinë e trajtimit në shtëpi për rastet më të lehta, duke përdorur antipiretikë për uljen e temperaturës, ruajtjen e higjienës, shmangien e kontakteve të shumta dhe hidratimin me sa më shumë lëngje. Kopshtet dhe shkollat mbeten burimi kryesor i përhapjes së virozave. Aktualisht, përveç infeksioneve respiratore, ka edhe një rritje të rasteve me laringit, alergji dhe astmë.

"Prindërit duhet ta trajtojnë temperaturën në shtëpi me antipiririk duke i kombinuar në të dyja rastet, higjena duhet të ruhet, sa më pak kontakte, hidratimi me sa më shumë lëngje. Burimi kryesor i përhapjes janë shkollat dhe kopshtet. Momentalisht jemi në periudhën ku laringitet arrijnë kulmin ka në këtë periudhë gjithashtu dhe alergji apo astma",-tha mjekja.

Prindërit janë ata që duhet të jenë të vëmendshëm ndaj simptomave dhe të kërkojnë ndihmë mjekësore në kohën e duhur për të shmangur komplikacionet. Kujdesi i shtuar dhe masat parandaluese janë thelbësore për të mbrojtur shëndetin e fëmijëve gjatë kësaj periudhe virozash./CNA