E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Aksione kundër prerjes së pyjeve/ Sekuestrohen 3 mjete në Pogradec

13 Mars 2025, 15:55, Aktualitet CNA

Aksione kundër prerjes së pyjeve/ Sekuestrohen 3 mjete në

Bashkia e Pogradecit shprehet e angazhuar për të ndalur prerjen e paligjshme të pyjeve dhe goditjen e elementëve të cilët për arsye përfitimi dëmtojnë pyjet në zonën e Mokrës dhe Gorës. Së fundmi, ky institucion ka bërë një riorganizim të punës duke krijuar Agjencinë e Mbrojtjes së Territorit dhe një fokus i veçantë është vendosur te parandalimi i prerjes së pyjeve.

Sipas Markel Hafesllarit, drejtues i kësaj agjencie, vetem në këtë fillim viti janë ndaluar dhe sekuestruar tri mjete me lëndë drusore të prerë në mënyrë të paligjshme, si edhe janë sekuestruar një sasi e konsiderueshme dru sterë.

Aksione kundër prerjes së pyjeve/ Sekuestrohen 3 mjete në

Hafesllari bën me dije se kontrollet jo vetëm do të jenë të përditshme kryesisht në rrugët të cilat janë më rrahuara nga kontrabandistët, ashtu si bën edhe një apel për banorët e zonave që të njoftojnë për çdo mjet apo konstatim të prerjes së pyjeve.

Kledi Lufo, inxhiner pyjor, i cili së fundmi ka marrë përgjegjësinë për sektorin e pyjeve në Pogradec, u shpreh se është angazhuar maksimalisht për të mbrojtur pyjet dhe për të mos lejuar prerjen e tyre nga persona që shkatërrojnë gjithçka për arsye përfitimi. Lufo tha se do vijojë bashkëpunimi edhe me Policinë e Shtetit për secilin rast.

Aksione kundër prerjes së pyjeve/ Sekuestrohen 3 mjete në

"Me krijimin e agjensisë së kontrollit të territorit në Bashkinë Pogradec, kemi marrë të gjitha masat për parandalimin e prerjes së paligjshme të lëndës drusore. Konkretisht jemi fokusuar në pjesën malore të zonës.

Gjatë kësaj periudhe, nga krijimi i agjencisë kemi ndaluar 3 mjete dhe sekuestruar sasi lëndë drusore rreth 130 m sterë dhe kemi parandaluar disa prerje të paligjshme. Ne do vijojmë të jemi me kontrolle të vazhdueshme në zonat malore të Pogradecit.

Në çdo njësi administrative kemi inspektorët tanë dhe vazhdimisht së bashku kryejmë kontrolle edhe gjatë natës për të parandaluar të gjitha mjetet që qarkullojnë gjatë orëve të vona të natës.

Ne do jemi vazhdimisht në kontrolle dhe këtu gjej rastin t'ju lutem qytetarëve të na raportojnë për çdo rast, për çdo mjet apo prerje të paligjshme që konstatojmë dhe ne do jemi aty,"- përfundon Drejtori i Agjencisë së Mbrojtjes së Territorit në Bashkinë Pogradec, Markel Hafesllari./CNA