web counter
LEXO PA REKLAMA!

SHKARKO APP

E fundit!

x

Vrasja e Ardian Nikulajt/ Gjykata e Lezhës shpall dënimin për portugezin, Ruben Saraiva

25 Mars 2026, 16:03, Aktualitet CNA

Vrasja e Ardian Nikulajt/ Gjykata e Lezhës shpall dënimin për

Gjykata e Lezhës ka dënuar me burgim të përjetshëm shtetasin portugez Ruben Saraiva, i akuzuar si ekzekutori i biznesmenit Ardian Nikulaj, i vrarë më 19 prill 2023.

Prokuroria e Lezhës kërkoi më 3 mars dënimin me burgim të përjetshëm për Saraivën, ndërsa i akuzuari ka mohuar vazhdimisht çdo përfshirje në ngjarje.  Ndërkohë, avokati i Saraivas, Kujtim Cakrani ka deklaruar se do të apelojë vendimin e gjykatës. 

Kujtojmë se vrasja e Ardian Nikulajt ndodhi në prill të vitit 2023. Ai ndodhej në lokalin e tij ku vrasësi me pagesë hyri në lokal dhe i zbrazi pistoletën, duke e lënë të pajetë në vendin e ngjarjes.  Ruben Saraiva u arrestua në Marok më 8 maj të vitit 2023 për llogari të autoriteteve shqiptare dhe u ekstradua në vendin tonë më 31 dhjetor të po atij viti.

Për vrasjen e Ardian Nikulajt në Britaninë e Madhe janë arrestuar edhe pjesa tjetër e grupit kriminal, Edmond Haxhia, Stephen Hunt, Thomas Mithan, Harriet Bridgeman dhe Harry Simson, për të cilët akoma nuk ka një vendim ekstradimi për në Shqipëri.

Pista kryesore e vrasjes së biznesmenit Ardian Nikulaj është ajo e hakmarrjes mes fisit Nikulaj dhe Lekstakaj e nisur shumë vite më parë. Sipas hetuesve, organizator i atentatit ka qenë Edmond Haxhia; Ruben Saraiva në rolin e ekzekutorit ndërsa të tjerët në rolin e ndihmësit. /CNA





Lajmet e fundit nga