web counter
LEXO PA REKLAMA!

SHKARKO APP

App Store
Google Play

E fundit!

x

Ambasadori i BE-së në Shqipëri, Silvio Gonzato: Dekriminalizimi i shpifjes mbetet prioritet

25 Mars 2026, 11:50, Aktualitet CNA

Ambasadori i BE-së në Shqipëri, Silvio Gonzato: Dekriminalizimi i

Ambasadori i Bashkimit Europian në Shqipëri, Silvio Gonzato, theksoi rëndësinë e rekomandimeve të grupeve të punës për sigurinë e gazetarëve dhe reformën në drejtësi.

Ai vuri në dukje se disa rekomandime, përfshirë dekriminalizimin e shpifjes, ende nuk janë zbatuar, ndërsa afatet e vendosura nga Brukseli kanë ndikuar në cilësinë e procesit.

Gonzato theksoi se negociatat me BE-në po ecin përpara, por ende ka punë për të bërë, duke nënvizuar pritshmërinë për rishikimin e ligjit për mediat audiovizive.

Ambasadori shprehu mbështetjen e BE-së për procesin dhe dëshirën që reforma të rezultojë e suksesshme.

“Mendoj se grupet e punës, të ndryshme, kanë nxjerrë rekomandime, si protokolli i sigurisë së gazetarëve. Kontributet janë të rëndësishme, jo vetëm për reformën, por dhe për ne si delegacion i BE-së për vlerësimin, betejën dhe angazhimet në udhën e shtetit të së drejtës dhe të vijojmë me përparimet e negociatave. Jam i vetëdijshëm që ka sfida, dhe disa rekomandime nuk janë marrë parasysh në fazën fillestare, u referohem rekomandimeve për të dekriminalizuar aspektin e shpifjes.

Duhet të pranoj që afatet që janë vënë nga Brukseli ishin të atilla që çeduan cilësinë e procesit. Negociatat po ecin përpara, por ka ende punë. Specifikisht në çështjen e dekliminalizimit të shpifjes, objektivi më i lartë për BE-në mbetet dekriminalizimi i plotë në linjë me standardet e BE-së. Ligji për mediat audiovizive, në vijim presim një rishikim të ligjeve. Do të ndjek punën që do të bëni. Duam që ky eksperiment t’ia dalë mbanë”, tha ndër të tjera Gonzato./ CNA





Lajmet e fundit nga