web counter
LEXO PA REKLAMA!

SHKARKO APP

App Store
Google Play

E fundit!

x

Video- Në mes të detit bashkon kombe të ndryshme/ Gjergj Luca mesazh frymëzues për 28 Nëntorin

28 Nëntor 2022, 13:53, Aktualitet CNA

Video- Në mes të detit bashkon kombe të ndryshme/ Gjergj Luca

“Një urim special ndryshe nga të tjerët. Shqipëria nuk është vetëm tokë, nga deti i bukur i saj vjen edhe ky urim.”- kështu shkruan biznesmeni i “Fish City” Gjergj Luca, në videon e publikuar në kuadër të Festës së Flamurit.

Mëngjesin e sotëm ai ka ndarë një video mjaft të veçantë, ku shfaqet krah punonjsve të tij nga Japonia, Kroacia, Franca e Shqipëria, teksa të gjithë shfaqen duke bërë shqiponjën me duar.

Duke treguar edhe në këtë ditë të veçantë se Shqipëria është një vend i mrekullueshëm dhe me shumë resurse, Luca shfaqet mjaft optimist edhe për sezonin e ri të peshimit, ku tregon se sot është kapur “peshku i parë” për këtë sezon.

Biznemeni gjithashtu shprehet se një nga synimet e këtij sezoni është suksesi i kompanisë së tij edhe në markatën japoneze.

“Filloi sezoni miq, filloi sezoni 2022 nga 7 anijet tona këtu, me japonezë, me turq, me kroatë, me francezë, me italianë. Ky është peshku i parë që ka dalë. Jemi me një rritje 60%. Peshku këtë vit është shumë herë më i mirë, shumë herë më i plotë. Dhe mendojmë se do bëjmë një emër jashtëzakonisht të mirë në markatën Japoneze. Gëzuar miq, gëzuar. Gëzuar festën e Flamurit nga Rozafa. Në mes të detit në mes të punës.”- shprehet Gjergj Luca.

Postimi i plotë:

Një urim special ndryshe nga të tjerët.

Shqipëria nuk është vetëm tokë, nga deti i bukur i saj vjen edhe ky urim. Rozafa, kompania lider ka bashkuar sot në ditën e Flamurit nën flamurin e punës miq e kolegë jo vetëm shqiptarë por edhe kroatë, japonezë, turq, sllovenë, italianë, arabë dhe së bashku ju urojmë Gëzuar dhe pastë përherë progres ky vendi ynë i dashur!

Me pozitivitet dhe përkushtim për punën, ky ishte një nga mesazhet më frymëzuese për këtë ditë kaq të veçantë për gjithë shqiptarët./CNA.al





Lajmet e fundit nga