web counter
LEXO PA REKLAMA!

SHKARKO APP

App Store
Google Play

Vajza vrau të atin në Fier/ Kryeplaku i fshatit: E trajtonin keq, policia ka ardhur disa herë

25 Korrik 2025, 17:02, Aktualitet CNA

Vajza vrau të atin në Fier/ Kryeplaku i fshatit: E trajtonin keq,

Një ditë më parë, një ngjarje e rëndë u shënua në Frashër të Fierit, ku një 26-vjeçare vrau të atin 56-vjeçar.  

Në një komunikim televiziv, kryeplaku i fshatit Frashër, Irakli Zarka ka ndarë detaje nga jeta e viktimës dhe situata e familjes.

Zarka tregoi se viktima kishte jetuar mes Shqipërisë e Greqisë dhe se kishte pasur një marrëdhënie të vështirë në familje.

“Ka qenë djalë i urtë, punëtor, ishte disa kohë në Greqi, punoi andej, bëri shtëpitë, pastaj pati ca dhi, merrej me dhitë. Këto nuk e trajtonin mirë, vinte më ankohej nuk më trajtojnë mirë, edhe për të ngrënë nuk i jepnin,. I thonin ik nga shtëpia, është shtëpia jonë. Ka shkuar disa herë edhe policia, edhe unë,. Ishin të pabindura. E trajtonin shumë keq, ai ishte punëtor. E di sa keq na ka ardhur si fshat. Gjynah t’i visheshin thonte në grykë atij njeriu, çfarë të flasësh për atë. Trajtohej me ndihmë ekonomike. Na dhanë urdhër që këta që janë me ndihmën ekonomike, nëse duan të punojnë në këpucari, tu hiqej ndihma e të punonin, U thashë të shkonin të punonin, nuk donin, pranuan 30 mijë lekëshin dhe nuk vajtën në këpucari. Donin të rrinin në shtëpi dhe të mos punonin, Punonte Nesti i shkretë, ishte djalë i përsosur, pa fjalë, punonte, i urtë. Na ka ardhur keq. punonte, çonte lekë në shtëpi, e trajtonin keq, ngeli policia aty, kushedi sa herë ka vajtur. Nuk e di pse e keqtrajtonin, ishte shumë i mirë”, tha ai”,-tha Zarka.

Sa i përket vajzës dhe autores së dyshuar të krimit, Zarka tregoi disa të dhëna rreth jetës së saj gjatë viteve të fundit.

“Ajo shkollën 8-vjeçare ka mbaruar. U martua njëherë, pastaj u ndanë. Rrinte me të ëmën. Punonin nëpër serë bashkë me nënën. E trajtonin keq, nuk e di ca kishim me atë të uruar. Ato nuk e mbanin mirë, nuk e ushqenin. Ai ishte tip i mbyllur, nga puna në shtëpi. Jemi shokuar. Vajza tjetër është e martuar. Ashtu si silleshin ato e prisnin, ka patur një rast që mu ankua”,-tha Zarka./CNA

 

 





Lajmet e fundit nga