Një tjetër dëshmitar “shet” Erion Veliajn dhe Ajola Xoxën

25 Korrik 2025, 13:59, Aktualitet CNA

Pas financieres Adela Kondakçi, e cila u bë e penduara e drejtësisë, një tjetër dëshmitar ka shitur Ajola Xoxën dhe Erion Veliajn.

Dosja ‘Veliaj’/ Financierja e Ajola Xoxës bëhet e penduar e SPAK
24 Korrik, 18:20

I hetuar si pjesë e dosjes së Erion Veliajt, G. S. fillimisht mori përsipër shumën prej 220 mijë eurosh të gjetur në firmën “Partners Law” të Ajola Xoxës.

Një tjetër dëshmitar “shet” Erion Veliajn dhe Ajola

G.S

Qëndrim ky i cili ka ndryshuar. Në dokumentin e siguruar, të akuzës, të ngritur nga prokuroria shihet se G. S. ka ndryshuar qëndrim dhe ka bashkëpunuar me SPAK-un.

SPAK/ Kush i mori përsipër 115 mijë eurot e Ajolës
19 Shkurt, 11:24

I pyetur në lidhje me shumën 115 000 euro, e gjetur dhe sekuestruar në firmën “Partners Law”, G. S. ka thënë se nuk është e vërtetë që ka paguar cash apo ka porositur këtë shumë. Gjithashtu në dokumentin e akuzës thuhet se G. S. ka treguar që rrethanat e vendosura në kontratën e kaparit nuk janë të vërteta.

I hetuari G. S. ka thënë se hartimi dhe nënshkrimi i kontratës i ishte kërkuar si favor nga ana e Ajola Xoxës. Favor të cilin ka thënë se e ka pranuar, pasi nuk kishte dijeni që kjo kontratë do të paraqitej në prokurori dhe gjykatë.

G. S. ka treguar se kontrata nuk ishte përpiluar prej tij, rdhe pse e ka firmosur, si dhe nuk i ishin thënë arsyet se pse Ajola Xoxës i duhej kjo kontratë.

Dokumenti i akuzës nga prokurorët

Kujtojmë se Ajola Xoxa kishte kryer disa manovra me kompaninë “Partners Law”, në mënyrë që të fshihte përfitimet e marra në konflikt të pastër interesi.

Ajola Xoxa pronare e disa kompanive, manovra të dyshimta financiare
11 Dhjetor, 23:06

Në shkurt të vitit 2021 Ajola Xoxa depozitoi në QKB një vendim të sajin, si ortake e vetme, që të gjitha kuotat e kompanisë së saj ia kalon znj. Greta Domi. E sipas shkresës së dorëzuar në QKB, Xoxa dhe Domi e kishin nënshkruar këtë marrëveshje me shkrim dore që prej janarit të 2019.

Ky veprim ngre dyshime pasi është depozituar pranë QKB 2 vite pasi është firmosur. Ndërsa administratore e kësaj kompanie është Ajola Xoxa.

Sipas fakteve të zbardhura në vendimin e gjykatës, rezultoi gjithashtu se kompania “Gogel” e Arbër Veliajt i ka kaluar shuma të konsiderueshme parash kompanisë “Partners Law”./ CNA