web counter
LEXO PA REKLAMA!

SHKARKO APP

App Store
Google Play

“Dëgjova Erionin që po qante”/ Dëshmia e gardianit për telefonatën e Veliajt

24 Korrik 2025, 21:45, Aktualitet CNA

“Dëgjova Erionin që po qante”/ Dëshmia e gardianit

Gardiani Fatjon Baci, i marrë si i pandehur në lidhje me dosjen “Veliaj”, ka rrëfyer të tjera detaje nga komunikimet e bëra me telefonin e tij nga kryebashkiaku i arrestuar i Tiranës, Erion Veliaj.

Në dëshminë e tij, Baci mësohet të ketë treguar se Veliaj qante në telefon teksa zhvillonte biseda me të shoqen dhe të vëllain.

Baci tregoi se arsyeja për të cilën kishte pranuar t’i jepte telefonin Veliajt ishte frika që ai kishte pasur për shkak të detyrës.

“Erioni më kërkoi telefonin që të bënte një telefonatë. Unë ia dhashë dhe foli më vëllain e tij. Këtë gjë e di se e kam verifikuar më vonë. Vëllait i thoshte: “Skam ca të them, e kanë me mua personale”. Nuk i mbaj mend detajet e tjera, por di që ka bërë dhe një telefonatë tjetër me bashkëshorten e tij, ku i tha që të kujdesej për djalin dhe unë dëgjova Erionin që po qante. I thoshte që nuk është e drejtë që djali të rritet vetëm, nuk i kam bërë keq njeriu, nuk ka të mirë për të mirin. Unë ia kam dhënë nisur nga frika që kisha, për shkak të pushtetit dhe personit që përfaqësonte”,-thuhet në dëshmi./CNA





Lajmet e fundit nga