Mero Baze: Drejtësinë e kontrollon PS-ja, jam me Berishën

23 Korrik 2025, 19:26, Aktualitet CNA

Më në fund, Mero Baze e ka thënë në mënyrë të drejtpërdrejtë, pa asnjë lojë fjalësh, se disa ndërlidhës të tyre që kontrollojnë pushtetin brenda PS-së.

Kush është kontrollori i drejtësisë së PS-së? Edi Rama kontrollon SPAK-un, GJKKO-në. Dhe çfarë drejtësie kontrollohet, se në rast se kemi katandisur që drejtësia të kontrollohet nga 3-4 duar dhe nga brenda PS-së, Shqipërinë e ka marrë lumi, bashkë me Mero Bazen dhe drejtësinë e Fatmir Xhafajt.

“Të favorizuar dhe nga sjelljet politike të shumicës në pushtet, që po përpiqet të mbushë me të drejtë boshllëkun që ka lënë Veliaj në Tiranë me katër ministra, dhe padyshim të inkurajuar nën zë nga disa ndërlidhës të tyre me pushtetin që kontrollon drejtësinë brenda PS-së, kjo skemë po merr përmasa edhe më viktimizuese për Veliajn dhe rrethin e tij shoqëror dhe familjar”,-shkruhet në editorial.

Ky paragraf që ne kemi sjellë të plotë dhe pjesa që kemi nënvizuar është marrë nga editoriali i sotëm i Mero Bazës, njeriut që qan dhe vajton çdo ditë për burgun e Erion Veliajt, kryebashkiakut të Tiranës, i cili ndodhet pas hekurave me 13 akuza.

Mero, një herë thotë se ka 5 muaj në burg, një herë se ka 7 muaj, një herë thotë se nuk ka pasur akuza, ndërkohë që të gjitha tezat e tij tregojnë se është vetëm një mashtrues publik dhe asgjë më shumë sesa kaq sepse hetimet sipas ligjit zgjasin 6 muaj. I janë komunikuar akuzat. Ka hetime të tjera.

Mero tani, nga një vepër kriminale e Ols Dados të lidhur me Sali Berishën, kaloi te vepra kriminale e Edi Ramës lidhur me Altin Dumanin dhe me Gjykatën e Lartë.

Pastaj Mero u pajtua edhe me Sali Berishën, dolën në një mendje, se Erion Veliaj ishte viktimë e trajtimit çnjerëzor të bërë nga Ulsi Manja dhe sot në fund na dha edhe fjalinë se drejtësia kontrollohet nga brenda Partisë Socialiste.

Kjo çështja Veliaj ka ndryshuar gjithë armiqësitë dhe aleancat. Ka ndryshuar skenën politike. Berisha u bë me Meron, Mero me Metën, Meta me Veliajn, Veliaj me Ahmetajn, Ahmetaj me Berishën, e kështu me radhë.

Ky paragraf është mjaft i qartë për të kuptuar hallin që ka Mero, i cili me lajthitjet e tij në editorialet e tij, që shkruan me mendjen tek Erioni dhe me sytë tek Edi Rama. Tashmë nuk i ka mbetur gjë tjetër thjesht e vetëm të jetë ai që është quajtur shpesh në median shqiptare, pasi edhe sot e ka përdorur në vjelljen e tij Bin Ladenin, një ‘Terrorist Mediatik’ që nuk vlen për tu vënë as atje ku vendoset letra kur kryen shërbime higjienike./CNA