Hetuesit e njoftojnë në burg për mbylljen e hetimeve/ Veliaj refuzon të paraqitet në SPAK

23 Korrik 2025, 20:59, Aktualitet CNA

Hetuesit e njoftojnë në burg për mbylljen e hetimeve/ Veliaj

Këtë të mërkurë, Prokuroria e Posaçme i ka komunikuar sot akuzat kryebashkiakut të arrestuar Tiranës, Erion Veliaj.

Zyrtarisht i pandehur/ Prokuroria e Posaçme i komunikon akuzat Veliajt
23 Korrik, 10:34

Mësohet se ky i fundit ka refuzuar të paraqitet në SPAK dhe refuzon të njihet me njoftim e akuzës ndaj tij dhe marrjen si i pandehur.

Sipas burimeve zyrtare nga Drejtoria e Përgjithshme e Burgjeve, ky institucion është informuar 3 ditë më parë se Veliaj duhet të paraqitej sot në ambientet e SPAK, për tu njohur me mbylljen e hetimeve nga Prokuroria e Posaçme, marrjen e tij si i pandehur me 13 akuza për vepra të rënda penale

Hetimi i SPAK për Veliajn/ Merret e pandehur edhe deputetja e PS-së, Klotilda Bushka
23 Korrik, 16:59

Bazuar në të dhëna zyrtare, nga dita e hënë e deri më sot, rreth 30 personave u janë dhënë njoftime për përfundimin e hetimeve dhe marrjen e tij si i pandehur nga SPAK.

Detaje të reja nga hetimet e Veliajt/ Ja akuza ndaj Bushkës dhe 13 të pandehurit e çështjes
23 Korrik, 17:57

Sipas DPB, mësohet se ky institucion është njoftuar zyrtarisht dhe konfirmohet, për shoqërimin e shtetasit Erion Veliaj nga Burgu i Durrësit drejt SPAK-ut në Tiranë.

Mësohet se kryebashkiaku i Tiranës e ka refuzuar paraqitjen përpara prokurorëve të SPAK-ut.

Të njëjtat burime zyrtare konfirmuan se kanë qenë 4 hetues të dërguar nga SPAK për të njoftuar Veliajn, të cilët kanë shkuar dhe e kanë njoftuar për mbylljen e hetimeve dhe marrjen si të pandehur.

Pra, sot, SPAK ka mbyllur zyrtarisht përiudhën 6-mujore të hetimeve ndaj Veliajt dhe i kanë njoftuar atij akuzën.

Tashmë të gjitha afatet për të ndjekur gjyqin me akuzat e SPAK ndaj Veliajt, ku ai duhet të përballet me prokurorët dhe duhet të bëjë mbrojtjen janë në duart e avokatëve të tij, pasi sipas ligjit brenda 10 ditëve pasi kanë marrë njoftimin për ngritjen e akuzave dhe marrjen si të pandehur, të bëjnë kërkesat e tyre dhe të shprehen.