web counter
LEXO PA REKLAMA!

SHKARKO APP

App Store
Google Play

Unifikimi i paraburgimit/ Lala: Gjykata e Lartë në kontradiktë, Rama e ngriti problemin kur u prek PS

19 Mars 2026, 22:27, Aktualitet CNA

Unifikimi i paraburgimit/ Lala: Gjykata e Lartë në kontradiktë,

Gazetarja Klodiana Lala, e ftuar në emisionin “Të Paekspozuarit” ka folur vendimin e Sokol Sadushit për të unifikuar çështjet e paraburgimit.

Lala tha se brenda Gjykatës së Lartë ka kontradikta për mënyrën se si po veprohet me çështjet.

Duke u ndalur te Rama, Lala u shpreh se Rama e ka ngritur problemin e paraburgimit vetëm kur u prekën eksponentë të PS-së.

Lala tha se nuk u shqetësua askush nga politika më parë, kur në paraburgim ka pasur njerëz të thjeshtë që edhe kanë humbur jetën apo kur kjo problematikë është ngritur nga gazetarët dhe avokatët.

 

“Gjykata e Lartë dhe kryetari i saj, Sokol Sadushi, vë në lëvizje kolegjet e bashkuara, për të unifikuar çështjet e paraburgimit, ndërkohë që e njëjta gjykatë lë në fuqi masën arrest me burg. Pra duket se brenda Gjykatës së Lartë ka një kontradiktë në mënyrën si po sillet dhe më pas dhe më e tmerrshmja, zoti Rama ka ngritur problemin e paraburgimit, pikërisht në momentin kur është prekur paradhoma e tij, pra kur janë prekur eksponentë të lartë të PS-së, se në 14 vite qeverisje, as nuk e ka çarë kokën kush nga politika që të shqetësohet për njerëzit e thjeshtë që kanë vdekur në paraburgim, që kanë vrarë edhe veten dhe po rriten jetimë.

Nuk e shqetësua askush për paraburgimin kur avokatë apo gazetarë e ngritën këtë çështje me shumë shqetësim, zopti Rama u kujtua në momentin kur u rrezikuan njerëz shumë të rëndësishëm të PS-së dhe maska i ka rënë. Është si ajo shprehja që kur vjen uji te dera ime unë do të marr masa ligjore”, u shpreh Lala./CNA





Lajmet e fundit nga