web counter
LEXO PA REKLAMA!

SHKARKO APP

App Store
Google Play

E fundit!

x

Hapet qarkullimi i automjeteve në urën e Milotit/ Karakaçi dhe Kozeli inspektojnë punimet

19 Mars 2026, 16:50, Aktualitet CNA

Ministri i Infrastrukturës dhe Energjetikës, Enea Karakaçi së bashku me kreun e ARRSH-së, Ami Kozeli kanë inspektuar punimet e bëra në urën e Milotit.

Karakaçi tha se ditën e sotme ura hapet për qarkullimin e automjeteve.

Gjatë fjalës së tij, ministri u ndal dhe te ura e Matit për të cilën tha se ka pasur shqetësime, por janë kryer të gjitha verifikimet nga ARRSH dhe ura është e sigurtë.

“Sot hapim këtë urë për qarkullimin e të gjitha automjeteve. Shërben gjatë sezoionit turistik për rrugën Milot-Lezhë. Rrugë për të cilën kemi pasur shqetësime për urën e Matit. Strukturat e ARRSH kanë bërë verifikimet në terren. Ura e Matit, janë bërë të gjitha verifikimet, është e sigurtë, i ka të gjitha kushtet për të qenë plotësisht e aksesueshme. Në këtë moment nuk ka asnjë nevojë për ndërhyrje”, tha Karakaçi.

 

Kreu i ARRSH-së, Ami Kozeli tha se ura e Milotit është pjesë e urave të përzgjehdur nga konsulenti i Bankës Botërore teksa shtoi se kjo urë ka nevojë për një shtresë asfaltike që mund të bëhet gjatë sezonit.

Sa i përket urës së Matit, Kozeli u shpreh se nga inspeltimi i bërë nga ARRSHH janë konstatuar kushte të plota sigurie.

 

“Në 11 këmbët e para bëmë dhe betonimin si masë shtesë qëndrueshmërie. Pesha do të jetë 13 ton për aks. Qëndrueshmëria është pr një afat 5-7 vjeçar. Kjo urë është pjesë e urave të përzgjedhura nga konsulenti me Bankën Botërore. Ka nevojë për një shtresë asfaltike që mund të bëhet gjatë sezonit. Grupi i inxhnierëve nga ARRSH ka inspektuar urën e Matit, jemi në kushte të plota sigurie, veçanërisht në këtë urë, që i ka themelet 28 metra. Integriteti është i plotë.  Struktura e urës është kompakte dhe nuk përbën asnjë rrezikshmëri”, u shpreh Kozeli.





Lajmet e fundit nga